一家

Open Now

Now Closed

一家這店食新上海菜，裝份新淨環境闊落，食上海野唔一定係老派感覺，新潮d都可以幾正。天氣乍暖還寒，見到餐牌上有杯冬日雪飄，職員話係冬日限定，一試果然冇介紹錯，好香既梨，桔，薑既鮮甜味，又唔會太甜，幾潤喉！叫左一客黃魚石鍋淮山麵，店員細心提醒石鍋好熱，而且幫我地上菜時再另外分開魚，魚肉嫩滑，魚皮亦煎到好香夠脆，唔會太過乾，麵條又唔會太熱變淋，湯底清新亦夠味，食完唔會口渴。紅手抄手，皮夠薄入口輕盈，咬開肉汁夠多幾香肉味，豐富多汁，味道剛好又唔會太辣。黑醋糖骨又係另一道推介菜式，甜甜酸酸非常開胃，口感豐富，香氣撲鼻，令人一試難忘。