Video
Read full review
2022-08-11
1071 views
放工同朋友去咗食呢間新派日式鐵板燒，見到平日都full，就知道嘢食都應該唔錯😆，好彩我哋有book位。首先嚟個前菜沙律（$28），凍蕃茄加上香蔥粒同埋蒜蓉粒，配上開胃醬汁，惹味得來又清新😋我同朋友都係海鮮控，梗係要食下燒海鮮啦。南非鮑魚（$98）燒得火候好好👍🏻，師傅切開一片片，爽爽滑滑，一啲都唔會韌，配上燒汁，更加帶起鮑魚鮮味😋。我哋一坐低已經見到個水缸有澳洲龍蝦，即刻心心眼😍當然要叫一隻啦（$588）。有兩款醬汁可以揀，我哋揀咗海膽醬燒龍蝦😍，另一款係香草牛油。龍蝦超級新鮮，真係即撈即燒，蝦肉爽彈滑😋，鮮甜juicy👍🏻。海膽醬幾香，我覺得如果再加返幾粒海鹽更加可以吊起龍蝦鮮味。港島燒（$128）有別於一般嘅大阪燒、廣島燒。呢個係用上港式材料，有叉燒、臘腸、蝦米、肉鬆，食嘅時候可以按自己喜好加上紫菜碎、同埋酸薑，幾特別，幾有新意👍🏻，而且味道唔錯😋松葉蟹肉海膽炒飯 （$188），呢個炒得好有鑊氣香口，日本珍珠米粒粒分明，配上鮮甜松葉蟹肉、海膽，加上香蔥粒，超正😍呢度啲海膽唔會好細碎，份量都幾多，新鮮唔腥，幾鮮甜😋好少炒飯食到咁靚嘅海膽。黑松露香草牛油焗雜菌 （$88）黑松露焗雜菌好
首先嚟個前菜沙律（$28），凍蕃茄加上香蔥粒同埋蒜蓉粒，配上開胃醬汁，惹味得來又清新😋
我同朋友都係海鮮控，梗係要食下燒海鮮啦。南非鮑魚（$98）燒得火候好好👍🏻，師傅切開一片片，爽爽滑滑，一啲都唔會韌，配上燒汁，更加帶起鮑魚鮮味😋。
我哋一坐低已經見到個水缸有澳洲龍蝦，即刻心心眼😍當然要叫一隻啦（$588）。有兩款醬汁可以揀，我哋揀咗海膽醬燒龍蝦😍，另一款係香草牛油。龍蝦超級新鮮，真係即撈即燒，蝦肉爽彈滑😋，鮮甜juicy👍🏻。海膽醬幾香，我覺得如果再加返幾粒海鹽更加可以吊起龍蝦鮮味。
港島燒（$128）有別於一般嘅大阪燒、廣島燒。呢個係用上港式材料，有叉燒、臘腸、蝦米、肉鬆，食嘅時候可以按自己喜好加上紫菜碎、同埋酸薑，幾特別，幾有新意👍🏻，而且味道唔錯😋
松葉蟹肉海膽炒飯 （$188），呢個炒得好有鑊氣香口，日本珍珠米粒粒分明，配上鮮甜松葉蟹肉、海膽，加上香蔥粒，超正😍呢度啲海膽唔會好細碎，份量都幾多，新鮮唔腥，幾鮮甜😋好少炒飯食到咁靚嘅海膽。
黑松露香草牛油焗雜菌 （$88）
黑松露焗雜菌好多地方都有得食，而且都通常好食嘅😋，但呢度咁多蟲草花就真係少見，好滋補嘅感覺😂
避風塘茄子（$68）
呢個超級惹味香口，不得了。有兩種茄子，紫色嗰種同埋白茄子，好好食😋，一食就停唔到口，送酒一流👍🏻
唐揚南國鳳尾 （$78）
呢個係朋友點嘅，我本身就真係好少食雞pat pat🙈呢度炸得幾香口，調味幾好，點埋芥辣或者酸汁都唔錯㗎。鍾意食雞pat pat嘅人應該會覺得滿滿嘅油脂好甘香。
飲品方面，我哋就叫咗巨乳黑莓（$88）同埋17碎半（$78）。前者係Cocktail，後者係Mocktail，兩杯嘅賣相同味道都唔錯👍🏻
Post
