Video
Read full review
2023-06-17
83 views
今日時在旺角呢間新韓燒餐廳，真心值得推介。我哋嗌咗晚市自助餐，不過佢嘢食已經好多，所以我哋冇加到$88轉海鮮刺身餐。先講肉類嘅選擇，佢唔係剩係得普通嘅豬牛雞，而係每一種唔同嘅部位鐘頭得你揀🥩🥩🥩🥩🥩，牛嘅話就牛板腱、下肩胛肉、封門柳、牛頸脊、牛脷、一口牛，應有盡有。仲要大部份都係油花均勻，不論視覺味覺都係一大享受！自助調味料區有各式各樣嘅醬料俾大家自由調配，無論你係重口味，定一話想食得清淡啲，都有得你揀！所以咁多款肉，咁多款醬，組合千變萬化，只有你意想不到，冇你嘗試不到的！🤩🤩🤩🤩除咗肉類款式極多之外，仲有超多韓式餸菜任你點，有Kimbab（仲要係豬、牛、雞三款齊晒）、有炸雞、有泡菜煎餅、有韓式蛋卷⋯⋯超多種類任君選擇！自助區仲有各式各樣嘅八小碟，無限添加。🍱仲要呢一啲唔同款式嘅韓食細細份，完全唔需要擔心自己眼闊肚窄，可以因應自己嘅食量而點選一件至兩件，每樣都隨量嗌啲，又唔使驚做大嘥鬼！仲要最驚訝嘅係，當你以為放題一般都係整定晒出嚟，點都唔會係新鮮滾熱辣。但呢間餐廳就完全顛覆咗我哋一直以來對放題嘅認知。不論是炸雞翼，抑或係煎餅，全部端上菜嘅時候都仲係熱嘅！呢件真心有驚喜！服務方面，服務
先講肉類嘅選擇，佢唔係剩係得普通嘅豬牛雞，而係每一種唔同嘅部位鐘頭得你揀🥩🥩🥩🥩🥩，牛嘅話就牛板腱、下肩胛肉、封門柳、牛頸脊、牛脷、一口牛，應有盡有。仲要大部份都係油花均勻，不論視覺味覺都係一大享受！
自助調味料區有各式各樣嘅醬料俾大家自由調配，無論你係重口味，定一話想食得清淡啲，都有得你揀！所以咁多款肉，咁多款醬，組合千變萬化，只有你意想不到，冇你嘗試不到的！🤩🤩🤩🤩
除咗肉類款式極多之外，仲有超多韓式餸菜任你點，有Kimbab（仲要係豬、牛、雞三款齊晒）、有炸雞、有泡菜煎餅、有韓式蛋卷⋯⋯超多種類任君選擇！自助區仲有各式各樣嘅八小碟，無限添加。🍱
仲要呢一啲唔同款式嘅韓食細細份，完全唔需要擔心自己眼闊肚窄，可以因應自己嘅食量而點選一件至兩件，每樣都隨量嗌啲，又唔使驚做大嘥鬼！仲要最驚訝嘅係，當你以為放題一般都係整定晒出嚟，點都唔會係新鮮滾熱辣。但呢間餐廳就完全顛覆咗我哋一直以來對放題嘅認知。不論是炸雞翼，抑或係煎餅，全部端上菜嘅時候都仲係熱嘅！呢件真心有驚喜！
服務方面，服務員喺我哋坐低之後即刻開着過路，然後會預先上第一輪肉比大家試一試先，啱食就再嗌，而且費事你等。而全程QR code落單，基本上落完等2-3分鐘就會上菜，效率奇高！👍🏻
環境來講，由於係新餐廳，所以所有裝修、食具、環境都好新淨。唯一要彈嘅係啲音樂太大聲，講嘢有啲辛苦，但整體嚟講環境算是不錯的！😉
Post
