我地今餐只係當小食咁食，所以點到唔多。首先係原味韓式炸雞(半份$78)，一上菜已經聞到陣陣香味，戴上手套後一掂，辣到我地即刻縮身，證明真係即叫即炸，非常夠時間。半份雞有四件，每件都係唔同部位，肉質嫩滑，非常香甜，仲有兩款醬料點，將味道升華。
芒果布朗尼3.6牛乳雪花冰($68)，係季節限定嘅。夏天食芒果涼透水~ 上面係芒果雪糕，周圍係芒果同埋布朗尼，下面係雪花冰。雪花冰比我想像中好食，因為唔似其他鋪頭咁淡而無味，而係有好濃嘅奶味。
白桃乳酸特飲($34)，夏天再飲番杯乳酸真係勁正，仲要有粒粒果肉，消暑解渴又有口感。
1
