Le Viet

Open Now

Now Closed

行完The ONE順便搵餐廳食晚飯，最後揀咗好耐冇食嘅越南菜。餐廳裝潢以紅黃藍為主調，新派型格。.🥥 超載椰青焗飯 $103 睇menu俾張相吸引左，上枱都無令人失望！滿到瀉嘅椰青焗飯，飯面鋪上鮮蝦及墨魚，再淋上香濃稠身嘅椰漿，啖啖椰香味。焗飯加入蜆肉、三色豆及提子乾，口感更豐富，椰青肉都焗到好香軟，食完十分飽足！.🫔 越式春卷 $52 有啲餐廳嘅越式春卷會用一般春卷皮，而呢度就用正宗越南米紙，皮特別的薄炸起來更加鬆脆。餡料有肉碎木耳絲等，包生菜再蘸魚露酸甜汁食，減膩又多一份清爽！.🐷 香茅燒豬頸肉撈檬 $75 豬頸肉份量足，外層燒得微微焦香，肉質爽嫩有彈性。檬粉口感爽滑，撈埋生菜絲、花生碎及蔥油等配料，再淋上魚露酸甜汁，清新開胃！.🥭 越式甜品拼盤 $108甜品拼盤有芒果糯米飯、拉椰糕及焦糖燉蛋，一次過滿足三個願望！芒果糯米飯配有黑糯米及白糯米，淋上香濃椰漿，甜而不膩，芒果切開一格格，啖啖肉好方便。拉椰糕綠白相間，綠豆仁及斑蘭加入椰奶，口感Q滑軟糯，甜度適中。焦糖燉蛋面層有香脆嘅焦糖糖衣，燉蛋幼滑帶有雲喱拿香味。為晚餐劃上完美句號！.總括而言：餐廳採用開放式店面，空間感夠坐得幾舒服。