Video
Read full review
2022-09-18
94 views
平時想食潮州嘢，多數係打冷大排檔嗰種格局，比較嘈雜同麻甩！呢間新式潮州菜，西餐廳嘅裝修，坐得舒服店員都好有禮貌。餐廳分兩層，上層係容納到12個人嘅包廂，下層有幾枱咁，整體都好企理闊落，坐得舒服！------------------------------🍱◖精品六宮格◗ $168有爽脆嘅海蜇，秋葵，麻辣皮蛋，甜酸蕃茄，微麻辣嘅牛肚，肉鬆燒汁豆腐，係豆腐嘅醬汁鹹咗少少，其他小菜都幾好！🐟◖潮式凍魚◗ $188講到潮州打冷，一定有凍盤，呢啲凍魚選用時令鮮魚，今次係馬友，魚肉食落鮮甜冇泥味，就咁凍食都唔腥！有時都因應季節會換成黃花或者烏頭。可以點少少伴碟嘅豆瓣醬食可以提鮮，但啲醬偏鹹，點少少就夠！🦆◖獅頭鵝拼盤◗ $228用店舖嘅秘製滷水汁，大概係例牌嘅份量，有一隻鵝髀同埋啲鵝翼同埋滷豆腐！鵝肉鮮嫩多汁，伴碟有啲蒜蓉辣椒汁，酸酸甜甜帶少少醋味，點埋黎食幾開胃！🥬◖時令時蔬◗ $118話明時令，每次都唔同，今次係炒白菜仔，火候控制得幾好，蒜蓉炒得佢好香又爽脆！🥓◖閩式紅㷮肉◗ $188紅卜卜嘅五花腩，甜甜地，帶啲肥肉，有少少入口即溶嘅感覺，不過有幾舊係偏瘦部位，肉質硬咗少少。🍛◖餸記炒飯◗ $
------------------------------
🍱◖精品六宮格◗ $168有爽脆嘅海蜇，秋葵，麻辣皮蛋，甜酸蕃茄，微麻辣嘅牛肚，肉鬆燒汁豆腐，係豆腐嘅醬汁鹹咗少少，其他小菜都幾好！
🐟◖潮式凍魚◗ $188
講到潮州打冷，一定有凍盤，呢啲凍魚選用時令鮮魚，今次係馬友，魚肉食落鮮甜冇泥味，就咁凍食都唔腥！有時都因應季節會換成黃花或者烏頭。可以點少少伴碟嘅豆瓣醬食可以提鮮，但啲醬偏鹹，點少少就夠！
🦆◖獅頭鵝拼盤◗ $228
用店舖嘅秘製滷水汁，大概係例牌嘅份量，有一隻鵝髀同埋啲鵝翼同埋滷豆腐！鵝肉鮮嫩多汁，伴碟有啲蒜蓉辣椒汁，酸酸甜甜帶少少醋味，點埋黎食幾開胃！
🥬◖時令時蔬◗ $118
話明時令，每次都唔同，今次係炒白菜仔，火候控制得幾好，蒜蓉炒得佢好香又爽脆！
🥓◖閩式紅㷮肉◗ $188
紅卜卜嘅五花腩，甜甜地，帶啲肥肉，有少少入口即溶嘅感覺，不過有幾舊係偏瘦部位，肉質硬咗少少。
🍛◖餸記炒飯◗ $158
好有鑊氣，夾雜左啲蒜頭，香蔥，洋蔥，蝦米，蛋絲同埋蠔仔，蠔仔嘅份量都好多！識落爽脆有口感，又夠鮮味！
🥘◖酸辣湯◗
舖頭送俾我哋試吓，勁足料有好多肉丸，細細一碗已經有六粒肉丸，夠酸夠辣🔥！
🌟Encore指數：8.5/10
------------------------------
呢間新式潮州菜有創意，菜式花款夠多，環境安靜坐得舒服！約埋朋友或者屋企人黎聚會食生日飯都唔錯！
Post
