主打港式冰室美食, 例如常餐、沙嗲牛肉公仔麵、蔥油雞扒煎蛋飯, 仲有招牌爆芝西多士🥪、菠蘿滑蛋油等。🕛下午更有經濟實惠兩餸飯, 供應多款小菜, 每日廚房新鮮煮, 延續本土美食特色！
最近仲聯同永樂麵粉廠, 推出一系列期間限定芫茜菜式🌿, 芫茜迷千祈唔好錯過啊！
🥣常餐 — 羅宋湯牛肉通粉
羅宋湯湯底超濃, 牛肉口感軟淋, 通粉份量多, 索晒啲湯汁, 酸酸甜甜好開胃～ 炒蛋好嫩滑, 配上多士, 食完好滿足😋
🥧雞批 — 外皮焗至香脆鬆化, 餡料豐富, 包括有雞肉、洋蔥、火腿等, 調味幾惹味～
🥧蛋撻 — 牛油皮餅底好鬆脆, 蛋漿滑嫩又唔會太甜, 蛋香濃郁
另外, 星星撻、菠蘿包亦係人氣茶點, 絕對要試！
