君蘭冰室

Open Now

Now Closed

Happy Friday約左同事食餐好快靚正午餐先🥳特登行嚟呢間君蘭冰室，有好多特色香港茶餐廳碟頭飯，一定飽肚😊🍽️ 咖喱雜扒腸仔煎蛋飯 + 凍咖啡我哋叫咗香港特色咖喱雜扒腸仔煎蛋飯😍特別夠晒香港風味，平靚正，有多款扒類雞扒牛扒配埋香港特色嘅咖喱汁真係撈飯一流，食啲咁特色嘅嘢，當然叫返杯凍咖啡朗朗口啦🥰🍽️ 蔥油豬扒煎蛋飯 + 兒童鴛鴦商場入邊嘅茶餐廳乾淨得來又舒服，我叫咗蔥油豬扒煎蛋飯 + 兒童鴛鴦🍫結束又夠晒滋味加埋豬扒同煎蛋真係食到停唔到口，最正係杯兒童鴛鴦，原來係阿華田好立克嘅mix🍫好厚底，好有風味☕️小朋友都飲得😋是日套餐$60+估唔到都幾有質素😝而且仲有雙餸飯可能仲平，環境仲唔錯添！

假期同朋友去朗豪坊睇電影，完場有啲餓，經過見到君蘭冰室幾吸引，於是試左佢哋嘅招牌菜式，果然唔錯！冰室裝修懷舊得嚟帶點現代感，座位舒適，食物選擇豐富，由傳統茶記美食到創新fusion菜都有，絕對有驚喜！菠蘿滑蛋油呢款真係經典與創新嘅完美結合！外層嘅菠蘿包酥脆香甜，中間夾住滑嫩炒蛋同邪惡牛油，一啖咬落去，蛋香同菠蘿包嘅甜味交融，口感層次豐富，完全唔會膩，絕對係必試之選！ 大紅袍樽仔奶茶奶茶控必點！茶底醇厚，帶有淡淡嘅大紅袍茶香，入口順滑，甜度適中，而且用樽仔裝住，夠晒懷舊又有特色，飲完仲可以拎走個樽留念，正！ 沙爹牛肉炒河粉炒河粉鑊氣十足，牛肉嫩滑，沙爹醬香濃惹味，河粉炒得乾身唔油膩，每條都均勻掛汁，仲加咗少少洋蔥同青椒，增添爽脆口感，好有地道大排檔風味！ 黑松露炒厚蛋多士配炸雞中翼厚多士烘得外脆內軟，炒蛋滑嫩，加上濃郁黑松露醬，每一啖都係黑松露香氣，真係邪惡又滿足！炸雞中翼外皮金黃酥脆，但不會乾柴，肉質juicy，醃得入味。斑蘭咖央千層酥皮撻酥皮好酥脆而且層次分明，中間嘅斑蘭咖央醬香濃滑溜，淡淡椰香同斑蘭獨有嘅清香，甜而不膩，作為甜品唔錯！除咗今次試嘅幾款招牌菜，佢哋嘅是日快餐同招

喺朗豪坊行到咁上下開始肚餓但出面又落大雨，諗緊去邊到食嗰陣發現君蘭喺地庫B2層開咗間冰室，價錢合理，食飽去搭地鐵都超方便👍🏻是日晚餐--涼瓜炒牛肉小菜即整熱焫焫上枱，涼瓜甘苦爽口，牛肉鮮嫩，加埋豉汁送飯一流沙嗲牛肉炒河粉平時食乾炒牛河多，呢度就係特別啲用沙嗲醬炒，香辣惹味，而牛肉冇乜筋位，河粉份量都幾多港式西多士金黃厚身西多士外脆內軟，入面花生醬夾心，原來仲有其他創新口味西多士，下次再嚟食過先

君蘭冰室位於朗豪坊地鐵站直達，真係落雨都唔使擔心！而且佢食物選擇夠晒豐富，想坐得舒服，可以揀番冰室既食物，是日快餐、下午茶、晚餐等等。我今次試左佢既爆芝西多士，真係非常之邪惡，芝士控不能錯過！芝士爆多勁吸睛，又好食，而且打卡一流 📸！坐po埋個龍鳳可樂，解膩岩晒！經濟實惠兩餸飯，佢哋每日都新鮮煮十款餸菜，岩哂唔同口味既大家，兩餸飯平靚正，真係仲唔使煩今晚食乜 🍱。我就買埋兩餸飯同三餸飯返屋企食，咁就慳返唔使煮，超方便！仲有唔可以買埋麵包食，我就買埋第二日當早餐！呢一間君蘭冰室真係好方便，完全可以一站式解決一日三餐🤣🤣，超正！

原來而家君蘭冰室都有做兩餸飯襯住今日係旺角整完嘢就買咗兩盒返屋企每日廚房都新鮮即煮10款餸菜今日我就揀咗呢啲餸❤️1️⃣ 蘿蔔炆牛腩 牛腩淋到入口即化！筋膜位啖啖膠質蘿蔔清甜冇渣 索晒濃汁 撈飯食勁正2️⃣ 鹹蛋蒸肉餅 肉餅口感唔會太實 鬆軟唔黏牙鹹蛋黃流油 好有家的味道3️⃣ 南乳豬手 豬手炆到超入味 骨膠原滿瀉南乳香得嚟唔會太鹹4️⃣ 豉油雞翼 醃得夠入味 肉質嫩滑唔"鞋"口5️⃣ 金針雲耳蒸雞 雞件去晒骨啖啖肉雲耳爽脆 金針索晒雞汁6️⃣ 蒜蓉娃娃菜 蒜香撲鼻 仲保持爽脆甜🍵大紅袍樽仔奶茶茶底甘香唔澀喉 奶滑比例剛好甜度適中 飲完唔會口渴$44三餸飯喺朗豪坊嚟講真係算經濟實惠而且份量都唔少 味道都唔錯👍🏻

呢個冰室位於朗豪坊商場入面，所以環境特別好，清靜令人放鬆，叫左個特餐羅宋湯牛肉通粉，牛肉係新鮮，唔係罐頭牛肉，炒蛋多士都係合格，好味。入到去自己搵位，職員不太理你，係拎餐具個櫃桶吾好拉，好實。

從旺角朗豪坊地下的超市出來後，偶然瞥見熱鬧的「君蘭冰室」就在超市門外，因位置方便，就決定坐下來享用一頓悠閒的下午茶☕️⊹ 菠蘿滑蛋油⊹ 大紅袍樽仔奶茶⊹ 特餐（蔥油雞中翼撈丁、太陽蛋、丹麥多士、雞肉腸、飲品）⊹ 常餐（沙嗲牛肉出前一丁、火腿、炒滑蛋、多士、飲品）yo推薦這「菠蘿滑蛋油」，菠蘿包頂部黃金酥脆，包身鬆軟有彈性，夾住厚身香嫩的炒蛋，精粹在於底層那一片奶香牛油。牛油因炒蛋溫熱而漸漸半溶，yo把菠蘿包倒過來，讓半溶牛油流向炒蛋，與炒蛋融合，油潤嫩滑，整體口感更豐富。君蘭出品的麵包果然都不錯！還外帶了一支君蘭的「大紅袍樽仔奶茶」回家自肥(๑˃ᴗ˂)ﻭ「蔥油雞中翼撈丁」因蔥油醬汁而香口，雞中翼外皮焦脆，內裡肉嫩，味道偏清淡。「沙嗲牛肉出前一丁」中的沙嗲汁微辣辛香，花生味道淡出，取而代之的是出前一丁的麻油香氣。另外，丹麥多士烘得偏乾少少，配搭太陽蛋，與流心蛋液一齊吃，蛋香可口。

「君蘭冰室」是港式冰室的代表，食物選擇多到讓你眼花繚亂！無論是經典港式茶餐，還是創意新派小食，這裡總有驚喜等著你。君蘭冰室的地點近地鐵站，步行幾分鐘即到，唔怕落雨或猛晒，無論係返工一族定係約朋友食飯都方便。餐廳環境保留港式冰室的懷舊風情，座位設計簡單舒適。多款是日快餐，份量十足。招牌菠蘿包絕對是必試之選，菠蘿包外脆內軟，夾入口是經典港式風味與創意的完美結晶，每一口都令人滿足。經濟實惠兩餸飯：新鮮多選，抵食之選對於愛簡單又滿足的街坊，君蘭的兩餸飯絕對是「窮人恩物」。每日新鮮炮製的十款小菜，選擇多元化。菠蘿泰式雞汁魚柳飯泰式與港式完美碰撞，魚柳外皮金黃酥脆，內裡鮮嫩多汁，搭配微酸微辣的泰式雞汁，酸甜平衡，令人食指大動。椰汁葡國雞飯葡國雞飯以濃郁的椰汁咖喱為靈魂，雞肉燉得軟嫩入味，吸收了椰奶的香甜和咖喱的微辣，口感豐富。配菜如薯仔和紅蘿蔔煮得軟腍，與白飯搭配入口即化，令人回味。大紅袍樽仔奶茶茶香濃郁，帶有獨特的炭焙風味，入口順滑而不澀。奶味濃厚但不過膩，甜度適中，完美呈現港式奶茶的經典風味。龍鳳檸樂清新的檸檬酸香與可樂的氣泡，帶來令人振奮的口感。冰涼的氣泡感特別適合夏天，酸甜比例恰到好處，解

朗豪坊君蘭冰室營業時間: 星期一至日 08:00 - 23:00旺角亞皆老街8號朗豪坊B2樓26-27號舖是日快餐 連 飲品 take away 2餸飯 連 飲品 ,估唔到兼填埋飯，每日都有十個餸供應，$38 兩餸 $44 3餸 +7 有野飲添 $60 椒鹽豬扒飯 ，外賣要$4 外賣盒，跟熱milk tea，豬扒灑了好多調味架，鹹鹹香香又有咬口肉餅同甜酸咕嚕肉, 份量都幾多，同個肉餅幾香，配飯唔錯。買完dinner 呢度仲有麵包架，好多款，好吸引我都買定幾個做第二日早餐地鐵站直達，唔怕曬熱落雨，直接返屋企

前幾日去咗旺角朗豪坊行街，發現左君蘭餅店原來有自家品牌餐廳🍴價錢公道，食物唔差,而且選擇又多，相信我都會去encore🤣如果喺附近做嘢仲可以外賣佢哋$38兩餸，$44三餸，超抵食😳咖喱雞扒飯雞扒外脆內嫩，咖喱醬香濃，先香甜後有辣勁，配上白飯，味道融合得岩岩好，令人根本停唔落嚟😋沙嗲牛肉炒河粉牛肉切到薄薄地，炒得剛好，又嫩又唔柴😋沙嗲醬嘅香氣撲鼻而來，河粉滑溜，吸收咗沙嗲醬嘅味道，整體口感非常豐富，真係好好味🤤非常推薦🙌鹹蛋黃雞中翼雞翼炸得金黃酥脆，鹹蛋黃嘅香味濃郁，咬落去口感豐富，鹹香味十足🥢大紅袍樽仔奶茶茶香又唔澀口，奶香十足👍📍 君蘭冰室 (旺角)旺角亞皆老街8號朗豪坊B2樓26-27號舖#人氣推介 #朗豪坊美食 #港式風味 #美食分享 #性價比高 #滋味 #鑊氣十足 #旺角美食 #CP值高

今晚同朋友去朗豪坊呢邊行下，順便食埋晚飯先反屋企。見到呢間冰室好多人排隊，所以想食個便飯。我叫左羅宋湯牛肉米粉配丹麥多士，太陽蛋，腸仔，加凍檸茶🩷🩷🩷🩷🩷佢個羅宋湯好濃郁，加埋酸甜既雜菜同牛肉配搭一齊，好夾。而且米粉都好索湯汁。個丹麥多士食落好煙韌，好有咬口配埋牛油一齊食。個太陽蛋好夠流心，凁檸茶茶味清香。朋友叫左沙嗲牛肉出前一丁配火腿，炒滑蛋，多士，加凍檸茶🩷🩷🩷🩷🩷食得出佢個沙嗲醬做得幾好，唔會太過濃味仲食到牛肉既鮮味，而且個滑蛋炒得岩岩好，夾曬落個多士食一流。另外再叫個港式小食，港式咖喱三寶配大紅袍樽仔奶茶🩷🩷🩷🩷🩷佢個咖喱濃得黎帶點甜辣味。，魚蛋夠彈牙，豬皮爽脆而且魷魚都好爽整得夠曬入味。奶茶茶味好夠濃，好有香港奶茶風味。香港冰室真係好夠多元化，香港人一日三餐都可以食茶記搞掂。原來佢地都有兩餸飯食，可惜去到已經無得食了，過左個鐘數。下次再食過。地鐵站一上直到，唔洗驚落雨過唔到黎食。

今日去朗豪坊買野。 出邊落大雨呀，好彩係地鐵站直行就有飯食，唔怕落雨！ 我可以坐低慢慢嘆夠Chill！見到有2餸飯同3 餸餸飯外賣自取方便，餸菜夠晒家常，返工返學都啱食！兩餸飯見每日十款新鮮小菜，咩豬腳、肉餅、滷水雞翼、咖喱牛腩、炒時菜都有，任你配搭，佢側邊仲有好多新鮮麵包賣，可以買定第二做早餐或者下午茶！ 我叫左個常餐～ 椒鹽豬扒飯嘅豬扒外脆內嫩，椒鹽香辣惹味，飯粒吸哂肉汁，再配杯熱奶茶，滑順香濃，同埋食茶餐廳冰室一定要配杯港式奶茶啦～ ☕️

呢排返工真係好忙，唔想再喺屋企自己煮飯，於是今日喺旺角收工，就即刻同屋企人喺朗豪坊度食晚餐，為咗明早要買埋早餐，就決定嚟到君蘭冰室呢度，鍾意呢度夠方便，地鐵直到，而且價錢夠實惠，坐得都算舒服！今日我就要左個特餐，有羅宋湯牛肉通粉配炒滑蛋同多士再加雞肉腸，飲品方面就要龍鳳檸樂。龍鳳檸樂真係香港嘅特色，檸檬配鹹檸檬再加可樂，喺夏天咁熱嘅天氣真係好爽！呢度個羅宋湯牛肉通粉味道都好足夠，通粉唔會煮得太腍，口感剛剛好！滑蛋都真係做到冰室應有嘅水準，絕對冇馬虎！是日晚餐就要左豉汁涼瓜魚柳配埋白飯，魚柳好大塊，份量好足夠，男士都夠食，呢個完全食到屋企嘅味道！另外都叫多咗一個厚切午餐肉芫茜蛋治分享，超飽滿，滑蛋勁厚！午餐肉真係超厚切，好邪惡！

喺君蘭冰室食完個快餐，拍擋見到兩餸飯好吸引，心思思叫咗一個三餸飯外賣；諗住晏啲返公司兩份食。食肉獸我哋揀咗瑞士雞翼、醬油豬手同肉餅；三餸都係$44都算抵。瑞士雞翼夠入味，大大隻夠肥美；醬油豬手調味啱啱好，唔會太鹹又唔會太甜。肉同骨嘅比例啱啱好，至於肉餅肥瘦適中，送飯一流。下次趕時間喺le度叫個兩餸飯，可以返寫字樓慢慢嘆。

今日同拍檔去旺角做嘢，做晏咗又趕時間。喺旺角地鐵商場出口見到呢間君蘭冰室；之前都唔覺呢度開咗間餐廳，一於入去試吓佢嘅快餐。我哋兩個食肉獸；我揀咗一個柱侯牛腩飯；拍擋揀左椒鹽豬扒飯。牛腩飯牛腩一啲都唔少，唔會碎濕濕；咪道夠地道，我成碟食晒。拍檔個椒鹽豬扒夠乾身；切起細細舊，易入口。仲有幾條菜，夠曬健康。兩個凍飲：一個凍咖啡、一個凍檸茶；埋單唔使$150 蚊快靚正。