新泰東南亞餐廳 (太子集團中心) (Closed)

我和男友一向鍾情泰國菜，今次終於離開九龍城，去尖沙咀搵食。麵包焗咖喱軟殼蟹（$208）非常出色的一道菜，簡直係色香味俱全啊。😀麵包烤得鬆脆內軟，有牛油香。咖喱汁帶有蛋花，濃度、稀稠度剛好，配上麵包，是絕好的配搭！微甜，不會太辣。軟殼蟹炸得鬆脆， 卻又能保存肉汁！我哋兩個人都好快K.O.晒！鐵板蠔仔炒蛋（$88）炒蛋幼滑，配上肥美的鮮蠔，很滋味呢。蠔仔炒蛋可點酸甜的泰式醬，令人胃口大開。和男友點了一杯mocktail。Virgin Lychee Mojito(＄48）薄荷葉酒平日喝得多，配上荔枝肉則是意想不到的清新。荔枝的甜恰好中和了薄荷葉的草青味，很特別。😍比起九龍城，餐廳環境較舒適，是鬧市中舒服吃飯的個好選擇。食物口味甚為正宗，價位亦與九龍城相約。侍應大多是泰國人，所以要用英語下單😳，態度友善，仲好好笑容，又會成日經過睇吓我哋有咩需要，值得一讚。