古今

Open Now

Now Closed

今日出左去銅鑼灣sogo行街，係隔離就見到附近有間餐廳係21樓食日本野既，見到日本野就緊係忍唔住要食啦。上到去見到座位唔算好多，不過日式裝修望落幾舒服，好似返左去日本咁，可以一解旅行癮。佢地餐牌有好多款唔同種類既壽司卷物，都比較新派，一於試下佢地既創意卷物。富士山 $98唔好睇佢叫做富士山，佢既外表都有幾分似富士山，而且份量仲好多添！上面鋪滿左好多蟹柳，蟹子同牛油果。因為佢地既蟹子係帶有少少辣既，所以完全唔會覺得膩，非常惹味，兩個人可以share一齊食。龍卷風沙律 $88份量非常大，足夠兩個人食有餘，除左平時見到既沙律菜同中華沙律之外，仲有好多蟹柳，蟹子，同日式麻醬，仲加左少少辣汁，作為前菜非常開胃！琦玉網燒牛舌 $78牛舌本身勁厚切，入口爽口彈牙且帶有少少焦香，另外隨碟仲有附蔥汁，帶微微酸味，好開胃。黑豚肉豬頸肉串 $32佢地既豬頸肉唔會太肥膩，肥瘦肉梅花間竹，唔會太乾，唔怕食肥肉既話一定要試下。