Video
Read full review
2021-11-07
1366 views
之前幫襯過一次舊店，對於當時嘅服務同食物都好滿意，難得放假過港島，就決定試吓新店再慢遊大館。估唔到新店Menu好似唔同咗好多，裝修上則仲係好有玩味感，地方闊落唔少。24小時慢烤伊比利亞叉燒｜豬油撈飯｜煎蛋｜韓國紫菜 $178之前係舊店試過類似款式，當時嘅叉燒一鳴驚人，至今久久未能忘懷其味道。今次嘅慢烤叉燒同樣出色，外焦內軟，豬肉香濃厚不膩。香甜嘅豬油撈飯入味非常，拌以大量韓國紫菜，另添一份層次感。不過價錢上略貴。慢煮香煎五花肉｜三杯風味糖醋汁｜煎杏鮑菇｜太陽蛋｜意大利軟包 $108酥軟嘅意大利軟包抹上墨綠色嘅醬汁，酸甜開胃，估計就係三杯風味糖醋汁。夾心有經慢煮嘅五花肉，厚身但鬆軟易嚼；厚切杏鮑菇入口多汁；太陽蛋煎得滑嫩吸引。法式提拉米蘇多士｜雲利拿雪糕｜香蕉果茸｜桂花糖漿 $98需時25分鐘嘅呢款甜品係幾值得等待，聽從店員建議享用主菜時就落單準備，所以唔使等好耐就食到。多士特別加入Tiramisu元素，深褐色嘅外表令人莫名聯想到牛扒，不過入口當然係充滿咖啡甜香同少許澀感，最驚喜係多士質感變得好似蛋糕般綿密軟腍。熱辣辣嘅多士配上透心涼雲呢拿雪糕同焦糖香蕉，冷熱交融，絕對係一大滿足。蜜糖桂
24小時慢烤伊比利亞叉燒｜豬油撈飯｜煎蛋｜韓國紫菜 $178
之前係舊店試過類似款式，當時嘅叉燒一鳴驚人，至今久久未能忘懷其味道。今次嘅慢烤叉燒同樣出色，外焦內軟，豬肉香濃厚不膩。香甜嘅豬油撈飯入味非常，拌以大量韓國紫菜，另添一份層次感。不過價錢上略貴。
慢煮香煎五花肉｜三杯風味糖醋汁｜煎杏鮑菇｜太陽蛋｜意大利軟包 $108
酥軟嘅意大利軟包抹上墨綠色嘅醬汁，酸甜開胃，估計就係三杯風味糖醋汁。夾心有經慢煮嘅五花肉，厚身但鬆軟易嚼；厚切杏鮑菇入口多汁；太陽蛋煎得滑嫩吸引。
法式提拉米蘇多士｜雲利拿雪糕｜香蕉果茸｜桂花糖漿 $98
需時25分鐘嘅呢款甜品係幾值得等待，聽從店員建議享用主菜時就落單準備，所以唔使等好耐就食到。多士特別加入Tiramisu元素，深褐色嘅外表令人莫名聯想到牛扒，不過入口當然係充滿咖啡甜香同少許澀感，最驚喜係多士質感變得好似蛋糕般綿密軟腍。熱辣辣嘅多士配上透心涼雲呢拿雪糕同焦糖香蕉，冷熱交融，絕對係一大滿足。
蜜糖桂花Cocktail $120
雞尾酒以淡黃色嘅桂花味氈酒融合蜜糖調製而成，另外綴以檸檬片。自己較少試桂花氈酒，估唔到飲落都幾重酒精味，係慢慢滲透出灼喉感嘅類型。花香味偏清淡，味道其實有少少似藥水味，未必人人接受到。
手沖咖啡Bean 1 $68
餐牌指咖啡會有柑橘類水果、荔枝、橙花同佛手柑嘅混合味，個人認為入口的確帶有明顯嘅果酸味，咖啡香氣非常突出。
Post
