Video
Read full review
2023-07-26
1432 views
尖沙咀行完街，到厚福街H8揀餐廳，見到一隻好可愛的船長龍蝦，於是就決定去18/F The Captain’s House試下佢最出名嘅Shake Shake海鮮袋。好彩行完街時間尚早，星期日六點幾去到唔使等便安排入座，餐廳唔係太大，見到角落掛左兩個熱氣球。雖然一早已經決定要試試佢個shake shake海鮮袋，但打開menu先知道原來呢度係主打香料和海鮮的新奧爾良菜。一定要叫的Shake Shake海鮮袋，我地兩個人所以叫左Combo A($418)可以揀三款海鮮，我哋揀咗八爪魚仔，扇貝，同海蝦。另外仲有青口魷魚翡翠螺鮑魚等等選擇，或者加錢仲有蟹腳同龍蝦揀。醬汁方面有四款揀，我哋揀咗檸檬蒜蓉牛油醬。店員好快就攞住個大膠袋過嚟，即場喺枱邊搖勻啲海鮮同醬汁，打開嗰陣真係好香，枱面一早預備好圍裙同手套，方便直接用手食海鮮。除咗海鮮之外，袋入面仲有薯仔，粟米，同司華力腸，連埋醬汁一齊食，海鮮非常新鮮，醬汁都好惹味。另外因為成日都無食菜，所以專登叫左佢個船長沙律黎食，原本都諗住搵d菜食下無太大期望，點知呢個沙律非常驚喜，除咗份糧好足之外，沙律非常有誠意，有大大粒蕃茄仔，黃菜頭，牛油果，芝士粒，合
好彩行完街時間尚早，星期日六點幾去到唔使等便安排入座，餐廳唔係太大，見到角落掛左兩個熱氣球。
雖然一早已經決定要試試佢個shake shake海鮮袋，但打開menu先知道原來呢度係主打香料和海鮮的新奧爾良菜。
一定要叫的Shake Shake海鮮袋，我地兩個人所以叫左Combo A($418)可以揀三款海鮮，我哋揀咗八爪魚仔，扇貝，同海蝦。另外仲有青口魷魚翡翠螺鮑魚等等選擇，或者加錢仲有蟹腳同龍蝦揀。醬汁方面有四款揀，我哋揀咗檸檬蒜蓉牛油醬。
店員好快就攞住個大膠袋過嚟，即場喺枱邊搖勻啲海鮮同醬汁，打開嗰陣真係好香，枱面一早預備好圍裙同手套，方便直接用手食海鮮。除咗海鮮之外，袋入面仲有薯仔，粟米，同司華力腸，連埋醬汁一齊食，海鮮非常新鮮，醬汁都好惹味。
Shake shake 海鮮袋
34 views
1 likes
0 comments
另外因為成日都無食菜，所以專登叫左佢個船長沙律黎食，原本都諗住搵d菜食下無太大期望，點知呢個沙律非常驚喜，除咗份糧好足之外，沙律非常有誠意，有大大粒蕃茄仔，黃菜頭，牛油果，芝士粒，合桃碎同青瓜，仲有新鮮嘅沙律菜，加埋酸酸甜甜嘅醬汁，搞到越食越開胃。
船長沙律
28 views
0 likes
0 comments
之後再叫左個溫泉蛋肉醬扁意粉，呢個意粉就不過不失，最正係隻溫泉蛋，錦上添花。
溫泉蛋肉醬扁意粉
25 views
0 likes
0 comments
最後叫左一杯Coffee Flow 同一杯Stawberry Flow，個人覺得Stawberry Flow比較好飲，濃濃士多啤梨同香蕉味，酸甜解渴。Coffee Flow就比較適合咖啡愛好者。最後要讚一讚店內waiter好有禮貌。
飲品
18 views
0 likes
0 comments
其實餐廳仲有好多其他野食，下次多人d除咗要encore Shake Shake海鮮袋之外，希望再試下其他新奧爾良菜。
Post
