Video
Read full review
2019-04-09
181 views
睇廣告見到呢間放題，有活生生八爪魚食，就係咁比佢吸引左黎好彩有訂枱，當晚好似全滿，一到埗就比佢牆上既畫吸引，好靚呀！（相片左下角就係八爪魚缸，D八爪魚生猛到不停想爬出黎）另一特別之處係佢地用電話掃QR落單，我整左好耐之後落唔到🤦🏻♀️（太蠢），後來其他人即刻跟手落，咁先有野食。好在食物上得好快，好快有得食上菜分量亦準確無誤，初初唔識order，樣樣叫得一件黎，就全部都得一件🤣，後尾加單全部黎足！完全無漏單情況，Good！刺身不過不失，尚算新鮮！八爪魚好生猛，滑潺潺好難夾，搞到我用手食，一攞就俾八爪魚用吸盤吸住左手指，好搞笑🤣壽司我地叫左好少，因為食壽司不如食刺身，食放題食飯好笨姐。天婦羅我推薦帝皇蟹棒同玉子燒串燒首推牛舌，我地不停encore炸物方面，芝士年糕，炸雞，榴槤炸彈都好正雖然好想食步隊鍋火鍋，但好像太飽驚食唔哂，所以就無叫到（我係惜食主義者，平時食唔哂都會打包，放題就會就住叫，唔比自己食淨野）另外一讚既係飲品同雪糕，真係未見過咁多款選擇，雪糕雪條又樣樣貴野，認真揼本我見到隔離枱既大叔食左3轉雪糕雪條，我先食得一款芝士雪條，覺得自己好蝕最後一讚侍應服務態度好好，收碟收得好快，又
好彩有訂枱，當晚好似全滿，一到埗就比佢牆上既畫吸引，好靚呀！
（相片左下角就係八爪魚缸，D八爪魚生猛到不停想爬出黎）
另一特別之處係佢地用電話掃QR落單，我整左好耐之後落唔到🤦🏻♀️（太蠢），後來其他人即刻跟手落，咁先有野食。好在食物上得好快，好快有得食
上菜分量亦準確無誤，初初唔識order，樣樣叫得一件黎，就全部都得一件🤣，後尾加單全部黎足！完全無漏單情況，Good！
刺身不過不失，尚算新鮮！八爪魚好生猛，滑潺潺好難夾，搞到我用手食，一攞就俾八爪魚用吸盤吸住左手指，好搞笑🤣
壽司我地叫左好少，因為食壽司不如食刺身，食放題食飯好笨姐。
天婦羅我推薦帝皇蟹棒同玉子燒
串燒首推牛舌，我地不停encore
炸物方面，芝士年糕，炸雞，榴槤炸彈都好正
雖然好想食步隊鍋火鍋，但好像太飽驚食唔哂，所以就無叫到（我係惜食主義者，平時食唔哂都會打包，放題就會就住叫，唔比自己食淨野）
另外一讚既係飲品同雪糕，真係未見過咁多款選擇，雪糕雪條又樣樣貴野，認真揼本
我見到隔離枱既大叔食左3轉雪糕雪條，我先食得一款芝士雪條，覺得自己好蝕
最後一讚侍應服務態度好好，收碟收得好快，又好有禮貌
我地共8人食，有6位免一位優惠
Post
