Video
Read full review
2022-12-10
672 views
始於1971年，開設在新加坡文華大酒店的Chatterbox，以馳名海南雞飯打響名堂，成為新加坡著名菜式之一。位於K11 Musea的Chatterbox Café 延續新加坡Chatterbox傳奇，將品牌故事及正宗新加坡風味帶到香港。發現原來唔止招牌文華海南雞飯，連其他招牌菜同甜品都好食！🤭🐓 文華海南雞飯 $123專登嚟食呢道每枱必點的招牌菜！果然名不虛傳！海南雞，好濃雞味！無論髀肉或是雞胸肉，口感都係好有彈性又唔韌，肉質纖維鬆化軟密！估唔到原來雞肉都可以做到鬆化口感！ 雞皮，質感清爽有彈性，食落唔油，皮與肉之間有層明顯的膠原蛋白啫喱！油飯，十分濃郁雞油香！雞湯，好濃雞味，有雞油浮面但飲落係唔heavy，唔覺油膩反而有種清爽感覺！名符其實清雞湯！ 湯內仲有炸蔥、生菜、同好滑溜的豆腐🦑 星洲海鮮炒貴刁 $103炒貴刁有鑊氣！有驚喜！好食！連埋鮮甜的刺身級帶子、爽彈的鮮蝦、口感軟彈的魷魚鬚、味道甜甜哋有玫瑰露酒香又有肉汁的軟腍臘腸，加埋椰菜一齊炒！仲有炸銀魚仔乾添香脆口感！隨碟會附上辣椒豉油，想提鮮可倒少少落炒貴刁撈勻🥥 鮮斑蘭蛋糕伴椰子雪糕 $68必點！！好食！自家製椰子雪糕，勁濃
位於K11 Musea的Chatterbox Café 延續新加坡Chatterbox傳奇，將品牌故事及正宗新加坡風味帶到香港。
發現原來唔止招牌文華海南雞飯，連其他招牌菜同甜品都好食！🤭
🐓 文華海南雞飯 $123
專登嚟食呢道每枱必點的招牌菜！果然名不虛傳！
海南雞，好濃雞味！無論髀肉或是雞胸肉，口感都係好有彈性又唔韌，肉質纖維鬆化軟密！估唔到原來雞肉都可以做到鬆化口感！
雞皮，質感清爽有彈性，食落唔油，皮與肉之間有層明顯的膠原蛋白啫喱！
油飯，十分濃郁雞油香！
雞湯，好濃雞味，有雞油浮面但飲落係唔heavy，唔覺油膩反而有種清爽感覺！名符其實清雞湯！ 湯內仲有炸蔥、生菜、同好滑溜的豆腐
🦑 星洲海鮮炒貴刁 $103
炒貴刁有鑊氣！有驚喜！好食！
連埋鮮甜的刺身級帶子、爽彈的鮮蝦、口感軟彈的魷魚鬚、味道甜甜哋有玫瑰露酒香又有肉汁的軟腍臘腸，加埋椰菜一齊炒！仲有炸銀魚仔乾添香脆口感！
隨碟會附上辣椒豉油，想提鮮可倒少少落炒貴刁撈勻
🥥 鮮斑蘭蛋糕伴椰子雪糕 $68
必點！！好食！
自家製椰子雪糕，勁濃郁椰子香味！會食到幼幼碎碎的椰子乾，真材實料！椰子雪糕中間放有粒亞塔子，增加煙韌口感！😋
鮮斑蘭蛋糕，凍凍哋都仍然保持到鬆軟有彈性，淋上以幾種herbs熬煮過的椰糖漿，斑蘭味會有層次變化
☕️ 斑蘭牛奶咖啡 (熱) $36
奶泡打得厚身而綿密，有淡淡斑蘭味
🍹 青檸梳打 $36
青檸7喜
_______________
Chatterbox Café (尖沙咀)
尖沙咀梳士巴利道18號Victoria Dockside K11 Musea B1樓B110號舖
_______________
Post
