Video
Read full review
2021-09-12
310 views
消費劵到手就梗係call 齊姐妹們去shopping 掃貨，唔想同人迫嘅話嚟Elements 圓方就最好， 行到攰攰地又肚仔餓，諗住係圓方食埋晚餐先返屋企，一番搜索🔍下發現新加坡🇸🇬人氣海南雞專門店係Elements 都有分店喎，平日夜晚都算滿場，店內裝潢好時尚摩登，完全同新加坡熟食中心嘅感覺唔一樣。雖然環境唔同，但完全無損食物品質，因為香港分店都係由新加坡天天總廚親自主理。我地叫咗幾款星洲名物，樣樣發揮都係水準之上👍🏻天天海南雞 （中份）$158天天對選雞係有一定要求，黃油雞皮薄肉嫩，完全無肥膏，起骨雞件啖啖肉好嫩滑，淋上秘製雞汁，雞味同口感更加提升一個層次，另外沾上特製辣醬、薑蓉同黑醬油，完全係畫龍點睛😋😋古法骨茶 $148肉骨茶應該係遷就咗香港人口味，胡椒味唔係好濃，除咗一字骨之外，仲有唔少豬肚，好特別，豆卜、支竹等完全索哂肉骨茶，好滋味😋😋哪吒鬧海 $148其實係海鮮喇沙，擺盤好講究，麵底另上就唔怕掛住打卡而搞到麵底林晒，而且喇沙湯底係用個砂煲盛載，保溫能力夠高，食到中段都仲熱嫁，湯底少少辣椰汁🥥味香濃，拉麵底超級掛湯，估唔到咗嘅配搭又好唔錯最後要盛讚店員嘅高質服務，留心顧客嘅
我地叫咗幾款星洲名物，樣樣發揮都係水準之上👍🏻
天天海南雞 （中份）$158
天天對選雞係有一定要求，黃油雞皮薄肉嫩，完全無肥膏，起骨雞件啖啖肉好嫩滑，淋上秘製雞汁，雞味同口感更加提升一個層次，另外沾上特製辣醬、薑蓉同黑醬油，完全係畫龍點睛😋😋
古法骨茶 $148
肉骨茶應該係遷就咗香港人口味，胡椒味唔係好濃，除咗一字骨之外，仲有唔少豬肚，好特別，豆卜、支竹等完全索哂肉骨茶，好滋味😋😋
哪吒鬧海 $148
其實係海鮮喇沙，擺盤好講究，麵底另上就唔怕掛住打卡而搞到麵底林晒，而且喇沙湯底係用個砂煲盛載，保溫能力夠高，食到中段都仲熱嫁，湯底少少辣椰汁🥥味香濃，拉麵底超級掛湯，估唔到咗嘅配搭又好唔錯
最後要盛讚店員嘅高質服務，留心顧客嘅需要，甚至係主動提供服務，令你食得開心又食得放心👍🏻👍🏻
Post
