樂天經典

Open Now

Now Closed

同老公去日出康城睇戲，顺道在商場瀏覽，途經英皇戲院，見一家PARADISE CLASSIC 樂天經典。樂天經典位於The LOHAS商場4樓，有少少隱蔽，窗邊位置可以隱約見到溜冰場，餐廳環境寬敞明亮，裝修新淨，座位闊落舒適，桌椅之間的距離好夠，唔會好迫，適合一家大細、情侶同埋一班朋友用餐。與此同時，亦被店外的廣告牌吸引，所以入嚟試下！家鄉炒麵線炒得好夠鑊氣，唔會太濕太腍身，麵條口感爽彈。阿婆苦瓜炒蛋正正常常，苦瓜夠爽帶少少苦味，炒蛋不會過熟，尚可接受。脆脆咕嚕肉咕嚕肉肉質外脆內鬆軟，無骨啖啖肉，食落肉軟又多汁，加上青椒、紅椒、洋蔥一齊炒，再淋上酸甜汁，酸酸甜甜好開胃。