海南少爺 (Closed)

新加坡菜香港唔算多，係好多老人家都接受到既口味。同老人家黎食前等我黎呢間探下路先。名茶 荔枝紅茶-黎到就上左茶，好特別既荔枝紅茶，香濃荔枝味，清新不澀口，正！椰香海鮮喇沙-椰香奶味濃，小辣，食完之後味道會停留一段時間，飲完都唔口渴，用料充足有3隻蝦，魷魚，魚片。星洲醬油參巴炒蘿蔔糕-外皮香脆，鹹甜適中，墊底嘅韮芽都炒得好香，同香港茶樓既XO醬炒蘿蔔糕完全唔同。招牌海南雞飯-男友減肥要食雞胸，但雞胸都香而不鞋，油飯都好香好好味。沙嗲拼盤(6串）-雞豬牛各2串，香口又唔會燒得太鞋，醬汁調味剛好，沙爹味帶微辣。環境夜晚8點都仲好多人, 等5-10分鐘入座, 由於人多安排唔到坐sea view，sea view感覺更佳，下次book位同老人家再黎。