Cafe 103

Open Now

Now Closed

聽說Cafe 103 做新加坡美食為主題的自助餐，決定去試一試。叻沙是新加坡名物，估唔到這裏的叻沙湯底有層次，不同的香料加少少辣，非常惹味。肉骨茶是胡椒味，湯底不太辣，用靚的一字排，同油炸鬼係絕配。海南雞飯非常嫩滑，飯香，配黑豉油、姜蓉同辣椒，令人忍唔住食多兩口。另一驚喜是叁巴魔鬼魚，在香港好少食到。它的肉質鮮嫩多汁，叁巴辣椒非常香，好味。不過這裏的海鮮就遜色一些，龍蝦腸沒有弄乾淨，生蠔係法國品種，不是即開的，好細隻，每人每次限兩隻。以這個價錢，真係有些寒酸。刺生更是不堪，只有三文魚，北寄貝、鯛魚和八瓜魚，沒有帶子和吞拿魚，性價比差小小。甜品唔錯，斑斕蛋糕及榴槤蛋糕非常出色。可惜雪糕只有Movenpick 三種口味, 也沒有馬卡龍，比起其他同級酒店自助餐輸了一些。服務員質素非常好, 收碟好快，也頻頻幫忙倒水，笑容親切，值得一讚。我覺得新加坡美食非常地道，環境好，可以好舒服地食一餐，唔錯。