天天海南雞飯 (ELEMENTS圓方)

Open Now

Now Closed

之前其實已經睇講過天天海南雞飯係新加坡米芝蓮指南嘅食肆，佢哋黎咗香港咁耐，都未曾食過，今日就去左圓方一試先。一入到去，地方好闊落，坐得好舒服，店員問我哋要茶定水，我哋揀咗要茶，無耐，店員就拎左一壺伯爵茶出黎喇。用伯爵茶招呼客人嘅真係唔太多，一黎就已經一個贊喇。👍🏻👍🏻蒜泥黑豚：依個小菜用左薄薄嘅黑豚肉黎包住青瓜。食嘅時候點埋依個麻辣蒜泥汁，青瓜加埋黑豚肉食落口好清新，醬汁又唔會太辣太咸，味道剛剛好。😋😋水煮和牛：店家選擇咗用澳洲和牛，油花平均細緻，和牛片嫩而多汁，加埋水煮湯底，少少辣，好惹味。😋😋起初諗住都係得和牛，點知寶物沉歸底，底下仲有青瓜同芋絲。青瓜同芋絲都吸咗湯嘅味道。好正好好食。😯😯櫻花松葉：炸蟹鉗平時去飲就食得多，我都係第一次係依啲食肆見到有得食。😁😁上菜後，店員會幫你切開一半，再平均咗放上櫻花蝦醬。醬汁加上櫻花蝦，成件事都同蟹鉗好夾。而蟹鉗用上左松葉蟹，夠哂高貴唔失禮。蟹肉面頭炸得金黃香口，入面蟹肉十分之鮮味。😋😋天天海南雞：主角終於出場喇，我哋只係叫左最細份嘅例牌，但估唔到例牌份量都咁多。😱😱 雞肉唔肥，皮薄、肉又香又滑，加上雞本身已經淋上醬汁，即使唔點伴隨海南雞上既鼓