天天海南雞飯 (ELEMENTS圓方)

Open Now

Now Closed

本身book左18:30 但係泊車遲咗，店員好有禮貌，等左一陣就有位。鋪頭裝修設計好有特色，門口有個mini bar。一坐底就俾啲好靚餐具吸引左。坐底就即刻有壹靚茶，嘆住茶慢慢揀食物。食物方面我哋叫咗天天海南雙拼、火焰椰子海鮮冬陰功、雞油飯、青檸汁明爐魚。🌟天天海南雞相拼配雞油飯一次過可以試晒兩款雞，海南雞好滑有雞味，而炸子雞就香口。份量都幾多，夠2-3人份量。我地簡左雞油飯，都一樣出色，雞油香而不膩。🌟青檸汁明爐魚我同朋友都鍾意食魚，特登試吓明爐魚。青檸汁酸酸甜甜好開胃，條魚都多肉唔會腥。🌟火焰椰子海鮮冬陰呢個火焰椰子冬陰功好有驚喜，上枱既時侯店員會點火，燒完岩岩好夠熱飲。椰子🥥睇落細細個，但入面好足料。食物份量好夠，滿足既一餐。