Video
Read full review
2016-10-17
1489 views
米走雞喺銅鑼灣開咗新分店呀！作為米走雞嘅超級fans ,我梗係第一時間去朝聖啦！其實我都算後知後覺架啦，因為想openrice睇，都見到已經有好幾個食評啦，果然好似咪走雞呢啲咁高質素嘅餐廳，係會儲落一批鐵粉。星期五就約晒成家人一齊去，比佢哋試吓我最鍾意嘅芝士雞煲，喺銅鑼灣都算方便，就係渣甸坊行入去，成幢都係食野地方，等𨋢方面真係有啲唔方便，但係我見座大廈都幾新，𨋢既分配可能可以在安排下嘅，唔怕辛苦嘅其實可以行樓梯，唔做運動嘅我梗係等𨋢啦！銅鑼灣呢間店比另外兩間分店都大好多，坐得舒服好多，冷氣都強勁啲，唔怪之得個名後面加左deluxe。現場所見大部份都係卡位，再睇一睇個餐單，其實同另外兩間店嘅嘢食差不多，上次眼闊肚窄，點得太多嘢食，食到個肚就黎爆咁滯，今次識得量力而為啦。黃金芝士雞煲（大）＄188分量比細既多差不多一倍，但係價錢只係貴＄40姐，一如以往，芝士都係用咗兩款，明顯睇得出黃色嘅係車打芝士，有好濃嘅芝士味道，白色芝士就負責拉斯嘅效果，做到成個雞煲色香味俱全，就算四個人食每個人都大概分到4，5舊 ,分量十足，感覺上啲雞比較多係雞脾肉，雞脾肉勝在夠滑，無論煲幾耐都唔會感覺到老，啲肉質
星期五就約晒成家人一齊去，比佢哋試吓我最鍾意嘅芝士雞煲，喺銅鑼灣都算方便，就係渣甸坊行入去，成幢都係食野地方，等𨋢方面真係有啲唔方便，但係我見座大廈都幾新，𨋢既分配可能可以在安排下嘅，唔怕辛苦嘅其實可以行樓梯，唔做運動嘅我梗係等𨋢啦！
銅鑼灣呢間店比另外兩間分店都大好多，坐得舒服好多，冷氣都強勁啲，唔怪之得個名後面加左deluxe。現場所見大部份都係卡位，再睇一睇個餐單，其實同另外兩間店嘅嘢食差不多，上次眼闊肚窄，點得太多嘢食，食到個肚就黎爆咁滯，今次識得量力而為啦。黃金芝士雞煲（大）＄188
分量比細既多差不多一倍，但係價錢只係貴＄40姐，一如以往，芝士都係用咗兩款，明顯睇得出黃色嘅係車打芝士，有好濃嘅芝士味道，白色芝士就負責拉斯嘅效果，做到成個雞煲色香味俱全，就算四個人食每個人都大概分到4，5舊 ,分量十足，感覺上啲雞比較多係雞脾肉，雞脾肉勝在夠滑，無論煲幾耐都唔會感覺到老，啲肉質一絲絲嘅，一流口感，同芝士配合起來鹹鹹香香，肉質爽口同芝士嘅黏黏感覺相映成趣，唯一唔好係用雞脾肉會多啲比較尖嘅雞骨，有陣時會有啲碎骨喺度都幾危險，食嘅時候要小心啲。手切新鮮牛頸脊（大） ＄298
分量依然係細嘅多一倍，價錢就只係貴＄90姐，非常抵食，原來食米走雞真係多啲人嚟食，條數圍起黎最抵，牛頸脊最好食係雪花分布得靚，會比一般肥牛瘦少少，啱晒怕肥既女士，既有牛油香味，又唔會食落感覺太肥膩，而且師傅切得厚薄適中，厚得滯會怕出面老晒裏面仲係生嘅，薄得滯又好似食咗陣風咁無口感。而且食得出牛頸脊相當新鮮，顏色鮮紅，完全冇放太耐嘅感覺，上枱嘅時候亦都冇雪到硬晒同埋冇雪味，品質優良。花膠＄88
一疊花膠有成7,8塊，但係價錢同墨魚滑一樣，超級抵，點解我係今次先見到呢個選擇，之前係鬼掩眼嗎？！花膠分量多之餘，肉身亦厚，而且好大塊，唔會碎濕濕，恰熟咗之後口感膠膠黏口，同芝士嘅質感有啲似，所以食落都幾夾，最重要夠厚，可以大大啖咬，都幾爽！鮮製韭菜餃＄78
一碟有八粒，個皮夠薄，食落都好夠新鮮，而且都幾大粒，韭菜味好重，鍾意食韭菜嘅都一定會鍾意呢款韭菜餃，但係因為都幾濃味，變咗同芝士唔算話好夾，落咗唔係好多肉，所以冇乜肉汁，但係因為多久才，識得感覺健康。手打鮮牛丸＄78
一碟都係八粒，粉紅色都幾新鮮，用咗啲黑椒調味，但係又唔算落得好多，所以食落都唔辣，這食落都好重牛肉味，但係就會比牛頸脊差咗少少，但係咬落去會有好香嘅牛肉汁必出黎，同牛頸脊係兩個口感。鮮炸響鈴＄48
雞髀菇＄28
雞髀菇都幾大塊，切得比較厚，食落有口感，而且都幾新鮮，冇溢味，熟咗之後都可以咬開，而且有菇菌清新既味道。翡翠苗（半） ＄18
黑松露蟹子魚面＄138
四個人食咗＄1100左右，每位＄300都唔使，米走雞真係我打邊爐冧巴溫嘅超值之選。
Post
