297
8
8
Exit F1, Causeway Bay MTR Station continue reading
All Branches (4)
Telephone
93415931 (Whatsapp)
Introduction
Running Chicken is a chicken pot restaurant. Its chicken pot is not spicy, rather, its signature dish is the golden cheese chicken pot. After all, you can add pork-bone soup to have hot pot. continue reading
Opening Hours
Today
18:00 - 00:00
Mon - Sun
18:00 - 00:00
Payment Method
Visa Master AlipayHK Alipay Cash UnionPay JCB
Number of Seats
150
Other Info
Wi-Fi
Alcoholic Drinks
May Bring Your Own Wine Details
Cake-cutting Details
Phone Reservation
Delivery
10% Service Charge
Spot payment
Review (324)
天氣開始轉涼啦, 又踏入打邊爐,食雞煲嘅季節啦~☺️ 食過咁多間芝士雞煲, 小編始終覺得「米走雞」嘅黃金芝士雞煲最好食~😎 所以今次就黎食過返尋味!😆 米走雞有兩種主打雞煲🍲: 「黃金芝士雞煲」和「火焰麻辣雞煲」。 除此之外,仲有其他湯底可選擇, 如香濃豬骨湯、惹味沙嗲湯、四川麻辣湯、粟米蕃茄豬骨湯等。 黃金芝士雞煲(2-3人)($178) 身為芝士迷,梗係要加激量芝士啦! 重點仲要係唔洗加錢,正!😎 雞煲一上枱,就見到全部雞件都被芝士重重覆蓋着,未食都已經流晒口水~😌 店員幫我地開爐,慢慢將芝士熱溶, 令到每一件雞件都沾滿熱溶芝士醬, 混合了超過5款芝士,超拉絲,「芝」味十足! 店家採用了比較多肉嘅雞脾肉, 並預先用秘方醃製過和烤炸, 和芝士捲着一起吃,味道相當惹味!👍🏻 火鍋配料種類繁多, 由肉類、海鮮、蔬菜及菌類、丸類,粉麵等,共60款之多, 值得一讚的是有些配料可點半份或全份, 啱晒二人撐枱腳、小聚會或想試多款不同配料嘅foodie。👏🏻👏🏻 之前係到食過美國桶蠔, 今次試下日本🇯🇵廣島蠔($88)啦! 一份有四、五隻,個頭和份量都算合理, 不過味道略比美國桶蠔遜色, 真係一分錢 一分貨!🙊 下次都係食返美國桶蠔啦! 哈哈蝦中寶($118) 口味獨創、晶瑩剔透嘅蝦膠, 混入了大量蟹籽、芹菜和原隻中蝦, 用料十足,絕不馬虎!😳 蝦膠焯熟後,鮮蝦彈牙有嚼勁, 同時又食到脆卜卜嘅蟹籽,層次感豐富!😋 鮮製韮菜餃($78) 從薄薄嘅外皮已經隱約見到包在裏頭嫩綠色嘅韭菜, 確實皮薄餡靚! 多菜少肉,味道惹味! 生菜(半份)($24) 雖說只是半份,份量卻不少。 生菜新鮮爽脆,物有所值! continue reading
(The above review is the personal opinion of an user which does not represent OpenRice's point of view.)
Level4 2018-12-20
2300 views
一向都好中意食雞煲既我,今日終於約到朋友陪我一齊食芝士雞煲!我跟朋友大概8點到達餐廳,餐廳座無虛席,非常熱鬧!坐低後,店員給予我們自助醬料調製醬汁,不過其實最後係唔需要用到的!黎得呢間餐廳當然要試他們的芝士雞煲,兩個人叫小的便夠食了!而芝士份量亦可以揀選,我跟朋友都是芝士怪,所以揀選了激量芝士!大概5-10分鐘左右,店員便把我們的雞煲放在爐上,見到D芝士真係好多,好似好正咁!大火加熱大概10分鐘左右,店員便示意個煲可以食了!枱上有張紙提示我們先不要攪伴,味道會更佳。一開煲蓋,見到超厚又溶左的芝士已經好興奮,仲可以拉絲的!黃金芝士雞煲(小)($178),芝士不算好咸,味道剛剛好,而且食落又唔會好漏。這裡的雞件都好大舊多肉,雞肉嫩滑,有雞的鮮味!煲裡還有好多洋蔥,洋蔥很多汁可減低食芝士會食滯的感覺!食完個雞煲就可以點火鍋配料加湯打邊爐!而芝士雞煲的湯可以揀選芝士湯或清湯,避免會太漏的關係,我們揀選了清湯。因為食完個煲其實都有少少飽的感覺,所以配料只是點了幾款!特級雪花肥牛(小)($158),沒有諗過佢細既份量都好多,我地兩個人每人都可以食到差唔多8、9塊,牛肉有牛的鮮味,厚薄適中,配上芝士湯一齊食,有少少咸咸地,不會太咸或者無味!蜂巢冰豆腐(半份)($24),見到佢枱上的餐紙寫住是芝士配搭,所以點了試試!冰豆腐有吸湯的作用,不過因為本身是雪到冰一樣的,如果吃之前先再湯中禁一禁豆腐的水份出黎,再索返D湯會好食好多的!午餐肉(半份)($24),唔算好咸,配落個湯到味道都不錯!如果午餐肉厚切會更好!出前一丁($16)加芝士($12),呢個配搭係絕配!出前一丁加左芝士真係好好味!芝士溶溶地掛係麵到,咸咸地得黎又有D creamy,原本唔係好飽但食完個麵就真係飽到傻啦!竹蔗茅根($68),打邊爐當然要飲下竹蔗茅根清清熱!飲品唔會好甜,我地兩個人每人都飲左5-6杯!總括黎講芝士雞煲真係好好食,對於我呢個咁中意食雞同埋芝士既人黎講真係好吸引。下次要試下呢間餐廳的火焰雞煲,聽朋友講都幾好食的! continue reading
(The above review is the personal opinion of an user which does not represent OpenRice's point of view.)
Level4 2018-12-07
2520 views
久違了的雞煲!想當年一開始有雞煲的時候我是何等興奮, 重口味, 多肉, 熱辣辣的表表者, 不能不數雞煲!朋友找來公司附近的雞煲店~四人行, 剛好坐卡位, 最舒服!但坐久了發現這裡的間隔比較吵耳.. 明明已經坐卡位卻聽不到對面的人說話..  配料不用走來走去, 配料送到面前添加是必需的. (代表懶人心聲)配料沒有特別, 但需要的都有.  火焰麻辣雞煲 (大)(小辣)     $228職員等我們準備好, 拿起火槍, 即席炒雞煲!藍色的火焰, 很有氣勢! 氣味撲鼻, 很是期待~味道很濃, 但有點偏甜. 另外小辣太輕, 下次最少要叫中辣. 整體不過不失, 是預想中的質數, 還可以.  鮮炸響鈴     $52六大條, 價錢算不錯喔!基本上就這樣吃就已經很讚, 沾湯也只能沾半秒喔! 雖然現在週圍都有鮮炸響鈴, 很難脫穎而出, 但還是百吃不厭的項目! 特級雪花肥牛     $218朋友們對牛肉沒有特別要求, 就叫個最基本的肥牛片吧~ 份量還好, 但比較瘦沒有很香牛肉味. 雖然也不差, 但如果下次再來的話, 會點別的.  手打五寶拼盤     $88嘩! 有嚇倒!! 很大一顆有沒有!!!全是真正手打丸, 很彈牙!真的不錯吃耶~ 必點項目! 鮮製韭菜餃     $78一上來又是令人眼剛一亮!滿滿的漲卜卜的真正鮮製韭菜餃! 韭菜味超濃, 非常足料, 很惹味耶~~小胃子的應該吃了幾隻要撐了!這一個很出色喔!總結: 主角的雞煲, 火鍋必點的牛肉, 都沒有令人印象深刻, 也沒有讓人想encore. 但配角們的用心和投入, 實在是值得嘉許喔! 所以我的GOOD是給配角們的~ 註: 餐廳的抽氣做真的很差, 也不是第一次吃雞煲,  但真的是第一次覺得自己的衣服被薰得臭到要吐.... 最好自備膠袋放外套...  continue reading
(The above review is the personal opinion of an user which does not represent OpenRice's point of view.)
黃金芝士雞煲(小)走芫茜,178元。裏面有好多雞件,芝士味濃郁,好多芝士芝士,雞件和芝士拉出來的時候,芝士有拉絲喔,超正。雞肉又嫩,加上有cheese,好好味。黃金芝士雞煲裏面有好多洋蔥做配菜,食完所有芝士雞之後,洋蔥都煮到比較軟身,夾起來試,有芝士味的洋蔥原來好好味,所以食完一條又一條,差不多整個黃金芝士雞煲的洋蔥都吃掉。火焰麻辣雞煲(小)BB辣,走芫茜,168元。因為大家都怕太辣,所以就叫了BB辣,果然BB辣只有好輕微的辣度,所以人人都吃到。侍應還要在麻辣雞煲上點火,wow,場面好吸睛,忍不住拿手機來拍片,果然是火焰麻辣雞煲。雞肉跟芝士雞煲的雞肉一樣好嫩,而且雞件比較多肉少骨,十分滿足,哈哈。當黃金芝士雞煲和火焰麻辣雞煲裏面的雞件都全部吃掉之後,我們就叫侍應幫我們加湯底。將這兩個雞煲都變成可以打邊爐的煲,yeah.........然之後我們就將餐牌中order了的食物放入裏面煮熟。我們叫了很多食物,六個人都食得很滿足,很滋味。鵝腸,53元。鵝腸好爽,有咬口。而且份量都好夠多。鵝腸又洗得好乾淨。西班牙黑豚肉,198元。本來以為是平時食開的黑豚肉片,怎知原來西班牙黑豚肉的豬肉味很重,好有豬肉味 ,切到薄薄地一片,放到鍋中一會兒,就可以拿上來吃,再沾一沾自己調配的醬油,好滋味尼。澳洲牛舌,88元。澳洲牛舌切到薄薄地一片,口感跟豬肉或者牛肉有好大不同。比較煙韌爽口。手打五寶丸拼盤,88元。五款丸類,每款有2粒,每一粒都好大粒。比較喜歡墨魚丸,未煮熟之前白雪雪,煮熟之後好彈牙。而且可能本身煲中有味,還是墨魚丸中本身有加調味料,所以即使無沾豉油,都覺得好有味。油麥菜(半),24元。油麥菜和打邊爐本身就是絕配。加上今次湯底是芝士雞煲,和麻辣雞煲,所以我們將一部份油麥菜放到芝士雞煲,另一部份就放到麻辣雞煲。油麥菜吸收了煲中的精華和湯汁,特別好味。我個人認為油麥菜配麻辣雞煲的麻辣味,特別出眾。一來可能因為已經加了很多材料打邊爐,所以辣味不算辣,適合我這些吃不太辣的人,二來油麥菜10分爽口。所以覺得好味。至於其餘的材料,我們還叫了.......豆卜(半),20元。蜂巢冰豆腐(半),24元。鮮腐竹(半),17元。鮮炸響鈴,52元。鮮冬菇,34元。竹笙,44元。上海年糕,38元。稻庭烏冬,21元。芝心丸,46元。芝士腸(半),22元............材料豐富,芝士雞煲和麻辣雞煲都被材料放得滿滿的,哈哈。尤其稻庭烏冬放到芝士雞煲,煮過後,稻庭烏冬完全吸收了芝士風味,超有芝士味,稻庭烏冬又彈牙,好好味。蜂巢冰豆腐都出色,蜂巢冰豆腐吸了湯中的水份,咬下去有湯水,而且好彈口,比一般的豆腐另有風格。飲料就叫了咸檸7,16元。和竹蔗茅根,68元。竹蔗茅根甜度剛好適中,裡面除了有竹蔗茅根,還有甘筍和粟米,好清甜,好好飲,又解渴。所以飲完一壺,再叫多一壺 。醬湯費6人,84元。再計加一服務費,賣單一共1487元,平均每人248元。銅鑼灣米走雞,一間我一定會再來的餐廳。 continue reading
(The above review is the personal opinion of an user which does not represent OpenRice's point of view.)
Level4 2018-11-10
2256 views
天氣開始轉涼,打邊爐的意慾增強,特意來到位於銅鑼灣的米走雞一嘗朋友推薦的芝士雞煲。入到去已好多人!!! 人頭湧湧!!黃金芝士雞煲(細)$178  在落單時可選芝士份量,因我們這次首嘗,所以選了普通份量,但來的時候亦可看到滿滿芝士已鋪滿在煲上,不禁令人想像激量會是何其的壯觀呢~~~可以拉到絲架~~~濃濃的芝士味,加上啖啖肉的雞腿肉,令人光吃這個都能感到何其滿足,在滿滿的雞腿肉下鋪滿了洋蔥,洋蔥吸收了雞腿的肉汁加上濃濃的芝味,亦是此煲的一大亮點。之後趁個芝士底仲好濃我地快手手煮左個超濃芝士烏冬先!! 超正, 烏冬掛晒啲芝士汁,太好味喇特級雪花肥牛(細)$ 158 肉味足,油花分布都很均勻,份量頗大,可用物超所值來形容。手打五寶拼盤 $88 由上而下首先出場是鯪魚肉丸,豬肉丸,墨魚丸,蝦丸最後的是牛丸。鯪魚肉丸有點點陳皮香味夾雜其中。豬肉丸內藏香菇,有點貢丸的感覺。墨魚丸很彈牙蝦丸用料豐富,專登開一半,入面係有滿滿既蝦肉牛丸帶著點點的辣味,令人慾罷不能。試過肉食 當然都要點番啲素茶中和一下 ,金菇$34  同生菜 $24 好新鮮份量亦足,豆卜 $20 半份 係每次必點配菜 因為要黎吸湯! 總結~~芝士雞煲令人非常滿意,份量全都頗多,感到很滿足,唯獨可惜是自己胃口太少,美食太多,唯有寄望下次的到來。 continue reading
(The above review is the personal opinion of an user which does not represent OpenRice's point of view.)