Video
Read full review
2023-07-26
960 views
《PHI Coffee & Pancake - 屯門》太耐無入屯門，原來而家呢度咁多好野食🤭近年既商場都越黎越多新式食肆同coffee shop，而我竟然而家先知屯市有PHI呢個cafe🥰我最鍾意就係佢地既梳乎厘pancake同咖啡，有時我都會去中環果間買咖啡豆架😉今次我係同媽咪黎食，兩個人叫左一個toast，一個意粉，一個pancake 同埋兩杯飲品💁🏻♀️陽剛香水檸檬茶 $42檸檬茶入面見到有百香果同香水檸檬🍋飲落清新唔苦澀，個人覺得唔會太過甜，唯一不足係佢比較細杯，口渴少少既話真係一兩啖就會飲曬啦💁🏻♀️斑蘭椰子咖啡 $48我就好喜歡呢個斑蘭椰子咖啡呀 🥥 近來好似好hit椰子咖啡咁，椰子味唔會搶左咖啡，反而有相輔相成既感覺，我好推薦的💁🏻♀️巴馬火腿吐司 $89第一個咸食我地要左個Parma Ham 既多士，佢個多士係用左丹麥多士製作，個邊邊位食落有酥脆既感覺， 有留意我既食評既朋友應該記得我係好喜歡食又咸又甜既野， 佢呢個多士正正就提供埋蜜糖俾我地淋上個多士或者火腿上面一齊食用， 咸咸甜甜咁係幾好食的💁🏻♀️油漬蕃茄烤吞拿魚意大利麵 $115由於多士比較heavy少少， 所以
太耐無入屯門，原來而家呢度咁多好野食🤭近年既商場都越黎越多新式食肆同coffee shop，而我竟然而家先知屯市有PHI呢個cafe🥰我最鍾意就係佢地既梳乎厘pancake同咖啡，有時我都會去中環果間買咖啡豆架😉今次我係同媽咪黎食，兩個人叫左一個toast，一個意粉，一個pancake 同埋兩杯飲品
💁🏻♀️陽剛香水檸檬茶 $42
檸檬茶入面見到有百香果同香水檸檬🍋飲落清新唔苦澀，個人覺得唔會太過甜，唯一不足係佢比較細杯，口渴少少既話真係一兩啖就會飲曬啦
💁🏻♀️斑蘭椰子咖啡 $48
我就好喜歡呢個斑蘭椰子咖啡呀 🥥 近來好似好hit椰子咖啡咁，椰子味唔會搶左咖啡，反而有相輔相成既感覺，我好推薦的
💁🏻♀️巴馬火腿吐司 $89
第一個咸食我地要左個Parma Ham 既多士，佢個多士係用左丹麥多士製作，個邊邊位食落有酥脆既感覺， 有留意我既食評既朋友應該記得我係好喜歡食又咸又甜既野， 佢呢個多士正正就提供埋蜜糖俾我地淋上個多士或者火腿上面一齊食用， 咸咸甜甜咁係幾好食的
💁🏻♀️油漬蕃茄烤吞拿魚意大利麵 $115
由於多士比較heavy少少， 所以另一個主食我就叫左個酸酸地醬汁既意大利粉，意粉質地係比較彈牙果種， 又係好啱我口味的， 個吞拿魚食落唔會腥， 你睇得到佢中間仲係半生熟既狀態，入口質感軟淋， 有少少醬油漬既味道，而個意粉醬汁都係酸酸甜甜的， 食落好開胃
💁🏻♀️絢爛盛夏芒果椰子梳乎厘 $125
今次既重點當然係呢個梳乎厘Pancake啦，芒果口味都真係第一次食啦，佢一客有三件班戟同埋有半隻芒果喺度，好甜好好味，另外伴碟個cream係椰奶味嫁，同芒果既口味十分合拍，食落唔算太Heavy，喜歡飲芒椰奶西既朋友應該會幾鍾意呢個Pancake 既口味
Post
