Video
Read full review
2025-06-03
586 views
話說我之前去過福華街嘅素食餐廳，已經覺得好有驚喜，點知最近發現佢仲有間分店喺汝洲街！同朋友一齊去試試，點知一入店即刻被震撼到，完全唔敢相信同福華街店係完全唔同嘅體驗！一踏入汝洲街店，哇，空間比福華街大好多！整體設計好有文青氣息，簡約又唔失格調，牆上嘅裝飾同燈光營造出一種好Chill嘅氛圍。坐低望吓四周，覺得好似入咗間文藝咖啡店咁，超有Feel，絕對係同朋友影靚相、打卡嘅好地方！睇完餐牌，我同朋友真係忍唔住笑 —— 點解可以咁有創意？！菜名一個比一個誇張，單睇已經令人好期待！雖然係素食，但每道菜嘅造型同賣相都精緻到唔似素食，簡直係藝術品級數！落單嗰陣我哋好似小朋友咁興奮，急不及待想試吓呢啲“瘋狂”菜式。我哋點咗以下幾款：不可能黃金脆雞塊配自定製日本南高梅醬：外脆內軟，南高梅醬酸甜開胃，食落完全唔似素，雞塊口感同真雞無分別！ 菠菜忌廉汁帶子意大利粉：忌廉汁濃而不膩，菠菜同素帶子好夾，素帶子用雞脾菇，造型同真帶子差不多模樣！意大利粉煮得啱啱好，滑溜又有咬口。如果味道再加少少拉絲或車打芝士，令味道更濃郁，會更Perfect！ 瘋狂維他命C西柚香橙牛油果沙律：色彩繽紛，沙律清新又健康，西柚同牛油
一踏入汝洲街店，哇，空間比福華街大好多！整體設計好有文青氣息，簡約又唔失格調，牆上嘅裝飾同燈光營造出一種好Chill嘅氛圍。坐低望吓四周，覺得好似入咗間文藝咖啡店咁，超有Feel，絕對係同朋友影靚相、打卡嘅好地方！
睇完餐牌，我同朋友真係忍唔住笑 —— 點解可以咁有創意？！菜名一個比一個誇張，單睇已經令人好期待！雖然係素食，但每道菜嘅造型同賣相都精緻到唔似素食，簡直係藝術品級數！落單嗰陣我哋好似小朋友咁興奮，急不及待想試吓呢啲“瘋狂”菜式。
我哋點咗以下幾款：
不可能黃金脆雞塊配自定製日本南高梅醬：外脆內軟，南高梅醬酸甜開胃，食落完全唔似素，雞塊口感同真雞無分別！
菠菜忌廉汁帶子意大利粉：忌廉汁濃而不膩，菠菜同素帶子好夾，素帶子用雞脾菇，造型同真帶子差不多模樣！
意大利粉煮得啱啱好，滑溜又有咬口。如果味道再加少少拉絲或車打芝士，令味道更濃郁，會更Perfect！
瘋狂維他命C西柚香橙牛油果沙律：色彩繽紛，沙律清新又健康，西柚同牛油果嘅配搭真是一個字 —— 爽！
日式三文魚漬擔擔醬撈菠菜蒟蒻麵定食：一盆有8款小食，超豐富！
素三文魚漬逼真得令人震驚，仲加咗少少酸醋，帶出另一番風味。
配菜有海類植物配上沙律菜、醬油茄子，入味又開胃；仲有類似豆卜嘅小食，味道剛好。
日本黑豆用醬油浸透，軟身但豆味依然濃郁。
福袋內有乾坤，塞滿素肉，滿滿嘅滿足感！另外仲有幾片日本青森紅蘋果，清甜解膩。
蒟蒻麵彈牙，擔擔醬香中帶點日式風味，完美！
飲品方面，我揀咗生酮青檸梳打，清爽嘅青檸味同氣泡感完美平衡，飲落好解膩，特別啱我呢啲鍾意清新口味嘅人。
朋友試咗西柚蜜柑梳打，要好有儀式感，先將大大個蜜柑壓出汁，混入飲品，令味道甜中帶酸，飲完好似即刻充滿活力！
總之，汝洲街素年係素食界嘅一場驚喜！文青環境、創意菜式、味道一流，絕對值得一試！同朋友嚟Chill吓打卡，保證滿意。
Post
