桂花小幸 (將軍澳廣場)

Open Now

Now Closed

朋友話每次行過呢間台灣嘢都好多人，咁啱今晚行過問吓，剛剛仲有一張台，咁就緊係要入去食飯啦。入到去已經全場爆滿，牆上佈置已感受到文青風。朋友想食呢間好耐，打開餐牌就有選擇困難症，樣樣都想食。最後我哋就叫左個小食，兩個主食同飲品。古早味滷水雞翼(五隻)：雞翼幾大隻，滷水入味唔太鹹，下面鋪左芽菜，爽口，幾好。紅燒牛三寶麵：湯底係紅燒牛肉湯，牛味濃；三寶有牛筋、牛腩、牛肚，全部都好淋，入味，麵硬度剛好，整體係微辣，覺得都惹味。酥炸排骨鹵肉飯：排骨夠大塊，炸得夠香，咬落鬆脆；鹵肉肥瘦均勻，幾好食。芝士奶蓋抹茶：朋友話有淡淡抹茶味，少甜甜度剛好，芝士奶蓋飲落有口感，佢都幾鐘意。黑糖珍珠鮮奶：我叫左少甜，鮮奶味重，珍珠有咬口，少少甜，咁樣就已經好好飲。