荳子 (海壩街) (Closed)

常常經過都好想試，但都好多人排隊，估唔到星期日晚又唔係好多人，所以即刻去試！ 點了荔枝玫瑰花茶，聞落好香荔枝味，飲落去就好失望，冇咩味...打開看是茶包。但個茶壺幾得意，上面茶壺下面杯，二合一。 但如果可以加荔枝肉更好。 沙律，不過不失，沙律醬都唔算多，都唔錯，好怕太多沙律醬，菜都算新鮮，係賣相差少少。 肉汁長通粉的肉汁好濃郁，加了隻溫泉蛋令通粉好滑，通粉的口感好好，不會太林或太硬，幾彈牙。但會食到有點濟的感覺。 值得一讚的是餐具幾和風，和落地大玻璃，很有性格的餐廳。 最後當然要叫甜品！ 好似叫朱古力五重奏？係好香好濃好滑既朱古力甜品，我不是朱古力迷，但我好喜歡這個甜品，和朋友一齊share完全冇罪惡感。