Video
Read full review
2015-08-23
7406 views
一個禮拜多前book左黎食週日中午放題。據說這是目前全港口碑最好最hit嘅日式放題店，所以一直很期待。食完後覺得期望過大。之前睇過openrice食評，知道食呢間店，就算訂左位，都要提早10幾分鐘甚至半個鐘黎排隊。但我估中午啲人應該冇咁早去排隊掛。所以只係提前左15分鐘到達。去到時，已經見到約20幾人排緊隊。真不知道排第一嘅人究竟係幾點去到的。炎炎夏日中午，為左唔好遲10分鐘坐低，提前半個鐘係太陽底下排隊，是否值得，見仁見智了。店員大約11點57分開始放人，到我地入去坐低大概係12點10幾分吧。店內都幾大，職員一直帶我地去到店鋪最入邊。位置真係逼。同隔離兩枱兩邊都唔夠一個人行嘅位，其實等於三枱人一齊食飯咁。黎之前最期待係佢地三款刺身--- 鱆紅魚，油甘魚，同池魚王刺身。呢三種魚味道有啲相似，需要細細品嚐才能食出個中不同。鱆紅魚同池魚王喺好少放題店會供應。平日我用肉眼就可以分出呢三種魚，但呢度嘅刺身一上黎，望落去我差啲分唔出油甘魚同池魚王。食落去，真係分唔出呢兩種魚。有啲失望。佢地嘅口感同味道應該係有區別的。睇黎，要食除左三文魚以外嘅魚刺身，都係要去正經日本餐廳。其餘刺身都中規中矩，唔腥
之前睇過openrice食評，知道食呢間店，就算訂左位，都要提早10幾分鐘甚至半個鐘黎排隊。但我估中午啲人應該冇咁早去排隊掛。所以只係提前左15分鐘到達。去到時，已經見到約20幾人排緊隊。真不知道排第一嘅人究竟係幾點去到的。炎炎夏日中午，為左唔好遲10分鐘坐低，提前半個鐘係太陽底下排隊，是否值得，見仁見智了。
店員大約11點57分開始放人，到我地入去坐低大概係12點10幾分吧。店內都幾大，職員一直帶我地去到店鋪最入邊。位置真係逼。同隔離兩枱兩邊都唔夠一個人行嘅位，其實等於三枱人一齊食飯咁。
黎之前最期待係佢地三款刺身--- 鱆紅魚，油甘魚，同池魚王刺身。呢三種魚味道有啲相似，需要細細品嚐才能食出個中不同。鱆紅魚同池魚王喺好少放題店會供應。平日我用肉眼就可以分出呢三種魚，但呢度嘅刺身一上黎，望落去我差啲分唔出油甘魚同池魚王。食落去，真係分唔出呢兩種魚。有啲失望。佢地嘅口感同味道應該係有區別的。睇黎，要食除左三文魚以外嘅魚刺身，都係要去正經日本餐廳。
其餘刺身都中規中矩，唔腥，冇雪味。但亦都同好多放題店一樣，有啲刺身（比如今日嘅海螺）未黎得切解凍，仲有冰夾響入邊。香港好多人中意啲刺身越凍越好，但我反而覺得有時刺身太凍會搞到食唔出食物嘅鮮味，淨係得個凍字，但好似唔知自己食緊乜咁。呢度嘅刺身都係如此，太凍了。然後想講，呢度嘅飲品竟然冇coke zero或light pepsi 呢啲無糖汽水，呢點太差了！ 對於我呢啲唔飲甜野嘅人，淨係得烏龍茶可以揀。由於事先就知道呢度冇無糖汽水，黎之前我要自己特登買支帶上黎。宜家放題飲品竟然會冇無糖汽水可以揀，不可思議。
壽司款式的確好多，有幾款唔錯。但有啲其實都幾悶，玻璃蝦壽司加一丁點（真的只係一丁點）蝦膏，係一款；甜蝦壽司加一丁點海膽，又係另一款。啲創作壽司，其實都係靠沙律醬黎吊味。偏偏我係唔中意食沙律醬的。我曾經同職員話希望壽司唔要落沙律醬，但職員話唔得。咁都可以理解嘅，可能呢度食客太多，食品都係流水線咁生產，冇辦法滿足特別要求。不過，之前我喺尖沙咀另一間大熱放題店食時，佢地係可以滿足我壽司唔落沙律醬嘅要求囉。
壽司細細件，讓客人可以試多幾款，呢點值得一贊。
海膽軍艦，海膽賣相麻麻，食落正常，但當然唔會係馬糞海膽咁鮮甜。除左燒物，第一輪的食物都好快上齊。張枱太細，刺身壽司一下子黎齊後唔夠地方擺，都幾狼狽。要拿拿臨咁食。
但第一輪食物過後，上菜就有啲慢了。試過兩段時間坐係度斋等，冇食物食。熟食，燒物，上菜都有啲耐。耐到差啲以為佢漏單。
燒物質素ok, 至少唔會好似某啲放題店咁油到飛起，至少我覺得佢真係燒出黎嘅，而唔係好似某啲放題店咁係炸出黎。不過，正如下邊有啲食評所講，食完佢地嘅熟食同燒物，會好口渴。
但呢度嘅燒魚麻麻地，燒多春魚同鯖魚都燒到好乾，水分走嗮。熟食入邊，留下最深刻印象嘅係日式煮牛脷，同新出嘅海鮮pizza. 日式煮牛利好淋，好入味，但牛脷好厚，厚到我有啲懷疑係咪牛嘅另一個部位。海鮮pizza中間醬汁稍嫌太多，但尚算唔錯。我好耐冇食pizza/薄餅之類的，可能因為咁，今日零捨中意呢個食物。
好味的海鮮pizza
牛肉湯烏冬湯底太油，唔中意。沙律款式有四五款，只試了柚子大蝦沙律，ok。
有款泰式鳳爪，但食落同睇落都似係泡菜鳳爪，而且好咸，仲有款意式番茄凍湯都好咸，都唔好食。
一如既往，我唔食炸野，唔評價佢地嘅天婦羅同炸物。到甜品，甜品有8款，每樣都有試，大部分一般般。印象比較深刻的是焦糖燉蛋，同芒果糯米糍。焦糖燉蛋算係最好食的，但都係比唔上酒店的。芒果糯米糍嘅芒果陷比較酸，可惜。 macaron 兩次都比我芝麻味，失望，我想試多一隻味嘛。最後到H牌雪糕，每人限一杯。揀左皇室奶茶同classic milk. 皇室奶茶冇失望。classic milk就令人失望，唔覺有奶味囉。
最後埋單，等好耐！隔離枱同我地一齊交單，唔知點解隔離枱會快過我地好多搞掂。總括而言，食物嘅選擇同質素，服務都ok嘅，但位置真係逼，枱細，上菜有時快有時慢，好難控制落單速度。入座之前又要排隊排差不多半個鐘。最期待嘅三款魚嘅刺身又冇達到預期。下次我唔會再選擇呢度了，寧願俾多啲錢去舒舒服服咁食酒店buffet，去正經日本餐廳單點食得出魚味嘅刺身。
Post
