湯加 (Closed)

今日要去西環做野順便食埋飯先番工。見到附近有間湯加，上網望下原來有好多分店，咁就要入去試下。湯加住打湯飯，但天氣熱又唔想湊米氣，我揀左淮山麵試下。真係唔食唔知，原來淮山咁有益。除左有助稳定血壓之外，仲可以增強免疫力😃咁好啦，我叫蝦滑勝瓜淮山麵胡椒菜湯底。蝦滑份量都算多，味道都ok有蝦味。反而勝瓜得四舊左右同埋淥得唔夠熟，略嫌硬左啲。至於胡椒湯底都唔錯，唔會好削。淮山麵呢口感幾好，晤會太腍。呢餐連熱飲盛惠$51，下次再試湯飯。