Video
Read full review
2018-07-27
127 views
吉壽係放題中都可算係大佬，不過我都係第一次黎呢間食。我同朋友就約左星期五晚9點。好彩一早訂左台，唔係都真係有排等呀。入到去發現有好多自助小食區，當中最最最受歡迎既非炒蟹莫屬，我都唔執輸去左排隊。可惜都只係夾到一件。見隔離仲有田螺，唯有退而求其次選左田螺。食落之後發現田螺仲好食過炒蟹呀。蟹肉炒得勁熟，搞到好乾身。不過田螺就唔會啦。田螺個個大大粒，食落新鮮得黎又辣辣地，諗真過癮！搞到我都番左兜。講真黎食田螺都值回票價。吉壽真係好良心呀。呢度既選擇就唔算多，不過我就可以保證樣樣都好有質素，中伏位少之又少。👍🏻👍🏻👍🏻刺身新鮮，而且絕對唔會食到有雪味或過於冰凍。小妹特別推薦鮑片。鮑片味好鮮甜，質素真係高。我同朋友食完都再點！手握壽司都係飯細細件，絕對唔會話用飯塞飽你。仲要手握得唔錯。刺身當然新鮮啦！我仲點左鯖魚同曼魚。鯖魚就大大件，味道亦唔錯。至於曼魚就細件左少少，勝在呢度上菜快，在order 都好快到。有兩樣食物一定一定要推薦俾大家既，就係芝麻雞翼同有機菠蘿。平時小妹對芝麻雞翼就麻麻地，但見好多bloggers 都推薦呢度既芝麻雞翼就試點啦，點知一試就愛上，原來肚都幾full下都要再點多兩隻
我同朋友就約左星期五晚9點。好彩一早訂左台，唔係都真係有排等呀。
入到去發現有好多自助小食區，當中最最最受歡迎既非炒蟹莫屬，我都唔執輸去左排隊。可惜都只係夾到一件。見隔離仲有田螺，唯有退而求其次選左田螺。
食落之後發現田螺仲好食過炒蟹呀。蟹肉炒得勁熟，搞到好乾身。不過田螺就唔會啦。田螺個個大大粒，食落新鮮得黎又辣辣地，諗真過癮！搞到我都番左兜。講真黎食田螺都值回票價。吉壽真係好良心呀。
呢度既選擇就唔算多，不過我就可以保證樣樣都好有質素，中伏位少之又少。👍🏻👍🏻👍🏻
刺身新鮮，而且絕對唔會食到有雪味或過於冰凍。小妹特別推薦鮑片。鮑片味好鮮甜，質素真係高。我同朋友食完都再點！
手握壽司都係飯細細件，絕對唔會話用飯塞飽你。仲要手握得唔錯。刺身當然新鮮啦！
我仲點左鯖魚同曼魚。
鯖魚就大大件，味道亦唔錯。
至於曼魚就細件左少少，勝在呢度上菜快，在order 都好快到。
有兩樣食物一定一定要推薦俾大家既，就係芝麻雞翼同有機菠蘿。平時小妹對芝麻雞翼就麻麻地，但見好多bloggers 都推薦呢度既芝麻雞翼就試點啦，點知一試就愛上，原來肚都幾full下都要再點多兩隻。
有相為證架！雞翼好入味，而且炸到好香口又唔會過乾。食落滋味十足！
仲有一樣一定要推既就係有機菠蘿。菠蘿平時都會點，但就唔會食得多。呢度既我一個人都食左四件，如果唔係因為菠蘿濕既話，真係會瘋狂食！原因在於呢度既菠蘿用料新鮮，而且菠蘿係高質菠蘿，絕非一般麻麻既質素。透過煎迫出了菠蘿本身既甜味，真係甜入心。絕無誇大！
食到最後當然唔少得小妹最最愛既乳酪雪糕，乳酪雪糕並唔係間間放題都有，有就真係大大加分啦。佢仲要有哈蜜瓜味！我就選左兩溝，講真呀，真係勁想再食多一杯。
---
小妹未試過全部都俾5星，吉壽都係第一間啦！雖然佢既選擇唔多，但絕對稱得上放題中既大佬，而且樣樣都勁有良心同高質。上菜速度超快，職員又盡責，見到地下有少少垃圾即刻清理，收碟又快。地方又好坐。總之我對吉壽既印象就超高，200蚊食到咁高質既放題，我一定會再食呀。👍🏻👍🏻👍🏻
Post
