滿屋日本料理 (大埔超級城C區)

Open Now

Now Closed

香港出現放題之後，「滿屋」係我第一個識嘅放題品牌，一直都會支持！到今時今日，食品嘅質素都依然冇變，甚至加咗一啲新鮮嘅元素！認真抵讚！外場自助嘅甜點、飲品、熱食、冷盤......都係整齊企理以前就會剔紙仔，而家用qr code落單，快捷方便，圖文並茂。食放題第一輪永遠都係刺身、壽司，冰凍嘅口感，絕對可以令人大開胃口！泰式鮑魚~酸辣嘅汁料夠哂惹味！榴槤炸彈~榴槤控必點，裏面嘅榴槤餡料因熱力而激發出榴槤終極香味。芝麻雞翼~相信係即點即炸，因為非常熱！咬開時有白煙飄出😆炸到非常香口！全隻都係金黃色！蒜蓉燒帆立貝~蒜香非常香濃，完全冇腥味，一口一粒，非常方便牛肉壽喜燒~呢個絕對係必點item！有菜、豆腐、牛肉、金菇粉絲......等等，加上與湯混合嘅雞蛋，既甜口又嫰滑，令人回味無窮！鐵板牛扒~牛扒放喺size細嘅鐵板上面，極似小朋友玩具，但其熱力絕對唔係小兒科，可以將醬汁熱到炸炸聲，絕對係鐵板嘅精髓！都幾有牛味，唔錯！唔錯！