Video
Read full review
2017-09-15
66 views
放工後同友人去左食旺角的一間放題，雖無預先訂位，但一入到去就已經好快安排到座位，限時兩個鐘，開始！擺係檯面既已經係超大疊既點餐紙，由英文字母A到I,從刺身類，壽司類，小食，前菜，炸物，鍋物都任君選擇。當然一黎就叫曬所有鍾意食既嘢啦，叫曬全部都係一個價錢包曬，呢個就係食放題既好處，唔使就住就住叫。叫完嘢食梗係即刻囉嘢飲啦，好多款果汁汽水酒任囉！先黎前菜，有花雕雞翼同胡麻豆腐，個人覺得胡麻豆腐好正，豆腐係超級滑身，即刻order左幾個。等左一陣，刺身壽司通通黎到。刺身方面叫左章紅魚，玉子，三文魚，甜蝦等等，都覺得新鮮清甜。壽司方面叫左比較特別，龍蝦沙拉加州卷，火焰蟹棒壽司，左口魚壽司等，口感獨特，不過壽司飯size係一口就可以放入嘴裡，方便至極。到熟食方面，個人比較大推岩鹽燒牛舌，味道一流。除此之外，仲有，芝士煙肉焗帆立貝，一共叫左四碟,新鮮燒焗。另外炸物都相當吸引，叫左花枝丸，吉列廣島蠔，吉列帶子同炸芝心年糕，當然仲有其他金菇肥牛串，鐵板牛舌，烤雞球等等。到鍋物部分，叫左牛肉壽喜燒同三文魚炒飯，個人偏好炒飯，做得香口。牛肉鍋味道濃郁，如果配合拉麵烏冬相信好好食。最後，當然唔少得雪糕櫃同雪
擺係檯面既已經係超大疊既點餐紙，由英文字母A到I,從刺身類，壽司類，小食，前菜，炸物，鍋物都任君選擇。當然一黎就叫曬所有鍾意食既嘢啦，叫曬全部都係一個價錢包曬，呢個就係食放題既好處，唔使就住就住叫。叫完嘢食梗係即刻囉嘢飲啦，好多款果汁汽水酒任囉！
先黎前菜，有花雕雞翼同胡麻豆腐，個人覺得胡麻豆腐好正，豆腐係超級滑身，即刻order左幾個。等左一陣，刺身壽司通通黎到。刺身方面叫左章紅魚，玉子，三文魚，甜蝦等等，都覺得新鮮清甜。壽司方面叫左比較特別，龍蝦沙拉加州卷，火焰蟹棒壽司，左口魚壽司等，口感獨特，不過壽司飯size係一口就可以放入嘴裡，方便至極。
到熟食方面，個人比較大推岩鹽燒牛舌，味道一流。除此之外，仲有，芝士煙肉焗帆立貝，一共叫左四碟,新鮮燒焗。另外炸物都相當吸引，叫左花枝丸，吉列廣島蠔，吉列帶子同炸芝心年糕，當然仲有其他金菇肥牛串，鐵板牛舌，烤雞球等等。
到鍋物部分，叫左牛肉壽喜燒同三文魚炒飯，個人偏好炒飯，做得香口。牛肉鍋味道濃郁，如果配合拉麵烏冬相信好好食。
最後，當然唔少得雪糕櫃同雪米磁任食啦！超級滿足！
Post
