Video
Read full review
2022-09-20
6304 views
最近條街熱鬧咗好多，我都多咗心情去SOGO行街shopping，買飽之後當然就係去食好西啦！朋友帶我去 極尚大喜屋，餐廳位置好方便，銅鑼灣廣場一期，真係轉過彎就到，晚上 8:00 仍然人山人海，座無虛席，我哋排咗一陣隊就安排入座坐卡位。室內裝修簡潔時尚，地方寬躺，空間感十足，環境唔錯。食客大家都好有禮貌，保持距離，自助區有各式美食：前菜、沙律、日式冷盤小食、熱盤、熱飲、清酒🍶、梅酒。雪櫃仲有不同款式的汽水，同埋自家製冷泡茶，雪條、雪糕、甜品都一應俱全，乳酪雪條唔肥啱晒靚女食，品質好高呢！夜市放題我哋食足兩個，朋友一邊傾偈，一邊享受美食，食品款式多到眼花撩亂，食一次真係試唔晒，而且餐廳仲會不定時轉換一下Menu，that’s why 咁受歡迎，CP值好高！放題第一件事係點刺身，餐廳款式多而且好新鮮，擺盤又靚，最緊要刺身冰鎮上枱，保持溫度。油甘魚、鯛魚刺身、希靈魚刺身、北海道常子刺身、赤貝刺身、鮑片刺身、虎蝦刺身、極品大赤蝦、象拔蚌。我最鍾意食油甘魚，入口油潤油脂豐富，口感十足。赤貝爽口彈牙充滿海水味，北海道帶子刺身厚切鮮甜美味。赤蝦同甜蝦更加係不能錯過，打卡都靚過人。除咗刺身壽司都好有創
朋友帶我去 極尚大喜屋，餐廳位置好方便，銅鑼灣廣場一期，真係轉過彎就到，晚上 8:00 仍然人山人海，座無虛席，我哋排咗一陣隊就安排入座坐卡位。
室內裝修簡潔時尚，地方寬躺，空間感十足，環境唔錯。
食客大家都好有禮貌，保持距離，自助區有各式美食：前菜、沙律、日式冷盤小食、熱盤、熱飲、清酒🍶、梅酒。
雪櫃仲有不同款式的汽水，同埋自家製冷泡茶，雪條、雪糕、甜品都一應俱全，乳酪雪條唔肥啱晒靚女食，品質好高呢！
夜市放題我哋食足兩個，朋友一邊傾偈，一邊享受美食，食品款式多到眼花撩亂，食一次真係試唔晒，而且餐廳仲會不定時轉換一下Menu，that’s why 咁受歡迎，CP值好高！
放題第一件事係點刺身，餐廳款式多而且好新鮮，擺盤又靚，最緊要刺身冰鎮上枱，保持溫度。
油甘魚、鯛魚刺身、希靈魚刺身、北海道常子刺身、赤貝刺身、鮑片刺身、虎蝦刺身、極品大赤蝦、象拔蚌。
我最鍾意食油甘魚，入口油潤油脂豐富，口感十足。赤貝爽口彈牙充滿海水味，北海道帶子刺身厚切鮮甜美味。赤蝦同甜蝦更加係不能錯過，打卡都靚過人。
除咗刺身壽司都好有創意，三文魚花之戀壽司🍣黑松露鮮帶子壽司、芒果魚籽花之戀、香蔥拖羅魚生。好多款創意都係我最愛，顏色繽紛鮮艷，細細粒容易食，仲可以食多幾款添！
日式嘢之外，仲有廣東好菜式，矜貴食物材料好足，上湯燴大蝦球、古法蒸海龍躉王，新推出一定要試吓啦！古法蒸海龍躉王滿滿的骨膠原，魚肉鮮嫩彈牙，海龍躉王皮厚嫩口又煙韌，口感特別!
極尚花膠盛宴，熱辣辣好滋補，花膠差唔多有手掌咁大塊，如果你食得晒仲要可以無限任食添！果然係不惜工本，真材實料，十分之有驚喜，啱晒貪靚嘅我。
芝麻雞翼勁鍾意食肉滑多汁，天婦羅蝦，帝皇蟹棒天婦羅，沾上醬汁酸甜又鮮味。金蒜蓉粉絲蒸扇貝都好入味又肥美，肉質超級嫩滑鮮甜。
其中滋補甜品之一係新出花膠燉鮮奶，奶香清甜，花膠同杞子感覺真係好滋補，女仔可以食多兩杯。
最後食埋甜品，冰凍甜品櫃仲有好多甜品🍮雪糕🍦乳酪雪條低卡路里好健康，十分之香滑甜美！真係大滿足！
Post
