Video
Read full review
2015-08-23
3010 views
放暑假，當然要搵地方去今次就同同學仔去左大埔的鐵路博物館呢度影相真係一流，淨係條路軌都可以無限影啦~以後唔使咁遠去台灣青桐啦~XD影完玩完就梗係搵野食啦~其實呢頭真係唔熟路，亂打亂撞下搵到呢間我之前都去過旺角個間架啦因為早入座有8折，好抵呀，就呢間啦~因為我地好早去，佢地都未開門，要企係門口等一陣, 2個小朋友好似係度等車咁~HAHA 呢間大埔店比旺角個間大好多呀~牆上畫左好多得意卡通圖案，小朋友見到好興奮呀~因為我地五點半就入座，差唔多係最早個枱~ 所以成場都無咩人開頭諗，呢度係住宅黎，離火車站又有D少遠，咁大個地方有冇人黎架~點知食食下向後望，嘩，幾時坐滿哂人架~@@ 門口仲企滿哂等位既人添~睇黎，呢間野係大埔區都好受歡迎咁喎~一條條吊落黎既煙通SUPPOSE 係可以拉到好低去吸油煙，不過大家都唔鐘意拉到咁低，所以變左走個時都有少少油煙味，店員其實可以同D顧客介絡下個煙囪可以拉到落黎，貼近D個鐵板的~一入黎，張枱已經SET好哂啦~有前菜：泡菜，海帶，芽菜，同埋包肉食既生菜，全部都可以REFILL的~我個囡，平時唔食菜，唔知做乜鬼咁鐘意食呢隻海帶，佢食左人地兩碗~@@個鐵板邊蒸蛋，會
今次就同同學仔去左大埔的鐵路博物館
呢度影相真係一流，淨係條路軌都可以無限影啦~
以後唔使咁遠去台灣青桐啦~XD
影完玩完就梗係搵野食啦~
其實呢頭真係唔熟路，亂打亂撞下搵到呢間
我之前都去過旺角個間架啦
因為早入座有8折，好抵呀，就呢間啦~
因為我地好早去，佢地都未開門，要企係門口等一陣, 2個小朋友好似係度等車咁~HAHA 呢間大埔店比旺角個間大好多呀~
牆上畫左好多得意卡通圖案，小朋友見到好興奮呀~
因為我地五點半就入座，差唔多係最早個枱~ 所以成場都無咩人
開頭諗，呢度係住宅黎，離火車站又有D少遠，咁大個地方有冇人黎架~
點知食食下向後望，嘩，幾時坐滿哂人架~@@ 門口仲企滿哂等位既人添~睇黎，呢間野係大埔區都好受歡迎咁喎~
一條條吊落黎既煙通SUPPOSE 係可以拉到好低去吸油煙，不過大家都唔鐘意拉到咁低，所以變左走個時都有少少油煙味，店員其實可以同D顧客介絡下個煙囪可以拉到落黎，貼近D個鐵板的~
一入黎，張枱已經SET好哂啦~有前菜：泡菜，海帶，芽菜，同埋包肉食既生菜，全部都可以REFILL的~
我個囡，平時唔食菜，唔知做乜鬼咁鐘意食呢隻海帶，佢食左人地兩碗~@@
個鐵板邊蒸蛋，會加入泡蛋料入去煮，落個時待應妹妹其實都有建議我地有小朋友，不如一半半啦，等小朋友可以食唔辣個邊，不過點知佢用蛋漿沖落去時，D泡菜料就四散。最後，只得一隻角隻係唔辣可以俾小朋友食。所以如果帶小朋友黎，不如叫佢唔好落泡菜，或落1/3算啦~呢度既醬汁同旺角一樣，有韓式辣醬（唔係好辣）醬油（少少甜），粗鹽，同蒜片，辣椒。
我最鐘意食佢既粗鹽，好有礦物質味~HAHA
平時呢個3角型的鐵角係用黎放燒好左又未食既燒肉既
今次，仲可以用黎煮牛油粟米，幾有諗頭，D粟米加牛油熱過，勁香，小朋友超愛食, 3個小朋友，食左2碗粟米~@@
不過佢跟黎既牛油我覺得太多，所以第2碗叫佢落少D~ 或者落單時同佢講少D, 唔好浪費左D牛油嘛~
尼度既燒物大致都係分為牛，豬，海鮮再加上D韓式料理
因為朋友唔食牛，我又好鐘意食所以叫左一款，無骨牛肋肉~
鐘意食牛肋骨肉係因為近骨的地方通常都較滑，而且牛肋骨肉薄薄一片，阿囡易食嘛~不過最尾個舊肥膏就完全食唔到~
我覺得牛肋骨肉沾鹽係最可以提鮮的~
其實每塊肉加上蒜片，辣椒同一大塊菜包住食，都幾健康架~XD
尼舊牛肋骨肉肉質都幾淋，因為已醃過，所以本身都已經好夠味，唔使沾太多醬汁朋友唔食牛，所以叫左個豬拼盤
最好食，當然都係五花腩，肥瘦夾住，有油香又有肉味第一次食豬排骨，感覺同五花腩差唔多，但無啦啦多左舊骨，有D難剪開
豬頸肉都唔錯，薄薄地，好易燒亦都好淋
呢件豬西冷係成盤的精華好淋的肉質 (係淋，唔係霉呀) ，肉感幼滑唔嚡，小朋友都好易食
佢無醃太多醬料，仲食到原先的豬肉味~
推介下呢隻韓國飲品
平時我唔鐘意飲提子汁，覺得好藥水味
呢隻青提子清清地，好FRESH, 好啱食燒食可以沖淡個陣熱氣
而且入面仲有D好似啫喱咁既粒粒，感覺真係好似食緊青提子呀~有機會，一定要試下呀~
呢度既待應都好好人，有求必應我地小朋友多，又倒瀉野，又叫呢樣，又要個樣，淨係碗，筷子都要左幾次，不過佢地既態度依然保持，無黑面之餘，仲會同我地既小朋友傾計，真係十萬個感激
其實我都明白帶埋小朋友去食飯真係好煩，好多野我都控制唔到，所以遇到無黑面的店員都已經好感恩架~如果仲有心情同佢地玩既，真係服務100分啦~ ^^
唯一缺點係食完個韓燒好口渴，回家狂飲水~
Other Info. :
其實佢近太和火車站，不過都要行3個字~
同埋過左七點後真係超多人等位~
(The above review is the personal opinion of a user which does not represent OpenRice's point of view.)
Post
