Video
Read full review
2024-02-18
38 views
睇完臨時劫案 就食埋飯先番屋企喇趁星期日chill吓 搵到呢間意大利餐廳糖街以前就成日去唱K 上樓嘅餐廳真係未食過今次去開吓眼界啦餐廳裝修得好有情調 而且有個超大LED芒採用埋落地大玻璃 維園一覽無遺同住👦去啱晒啦 🫶 另外仲有個DJ 打碟台座位都舒適嘢食就分別叫咗2個頭盤 2個主菜 1個甜品食物嚟之前 會有好軟熟嘅麵包 配黑醋同橄欖油🔹️Octopus Salad 八爪魚沙律超多片八爪魚 伴以洋蔥 車厘茄出面餐廳少可帶款沙律所以不妨一試🔹️Mussels with cream sauce 青口 （配忌廉汁）每隻都大大隻 味道鮮甜帶有少少咸味就咁食都好好味 忌廉汁當配襯罷了 🤣好貼心俾多隻碗用嚟裝番啲殼🔹️Carbonara Spaghetti好重芝士味 🧀 啲汁掛晒喺意粉度但要趁熱食 凍咗會乸埋一注🤣煙肉喺底 記得撈埋上嚟食🔹️10oz Angus Ribeye (Medium)有薯仔 車厘茄作伴菜肉眼唔嚡 成數剛好薯仔切得幾有心思一片片好似蘋果咁🔹️Rose Yogurt Mousse有曲奇碎 開心果 蛋白脆餅超重玫瑰味 鍾意花系食物嘅唔好錯過🔹️Guilty Pleasure (Cockt
趁星期日chill吓 搵到呢間意大利餐廳
糖街以前就成日去唱K 上樓嘅餐廳真係未食過
今次去開吓眼界啦
餐廳裝修得好有情調 而且有個超大LED芒
採用埋落地大玻璃 維園一覽無遺
同住👦去啱晒啦 🫶 另外仲有個DJ 打碟台
座位都舒適
嘢食就分別叫咗2個頭盤 2個主菜 1個甜品
食物嚟之前 會有好軟熟嘅麵包 配黑醋同橄欖油
🔹️Octopus Salad 八爪魚沙律
超多片八爪魚 伴以洋蔥 車厘茄
出面餐廳少可帶款沙律
所以不妨一試
🔹️Mussels with cream sauce 青口 （配忌廉汁）
每隻都大大隻 味道鮮甜帶有少少咸味
就咁食都好好味 忌廉汁當配襯罷了 🤣
好貼心俾多隻碗用嚟裝番啲殼
🔹️Carbonara Spaghetti
好重芝士味 🧀 啲汁掛晒喺意粉度
但要趁熱食 凍咗會乸埋一注🤣
煙肉喺底 記得撈埋上嚟食
🔹️10oz Angus Ribeye (Medium)
有薯仔 車厘茄作伴菜
肉眼唔嚡 成數剛好
薯仔切得幾有心思
一片片好似蘋果咁
🔹️Rose Yogurt Mousse
有曲奇碎 開心果 蛋白脆餅
超重玫瑰味 鍾意花系食物嘅唔好錯過
🔹️Guilty Pleasure (Cocktail)
Malibu 芒果 Yogurt 肉豆蔻 糖水
聞落有啲花香味
飲落酸酸哋帶啲清甜 好少酒味 易入口
🔹️Bubble Trouble (Mocktail)
香蕉🍌 檸檬🍋 梳打🥤
飲落好似食緊橡皮糖 🤣
唔怪得嘢飲上面拮住3粒熊仔糖 有寓意嘅
啱女仔飲 甜甜哋 又夠cute
Post
