明閣 (香港康得思酒店)

中午十一點訂咗兩位窗口枱,冇想過(上價酒店中菜廳)張枱咁細,又冇預備多張椅俾客放嘢,枱嘅距離亦近,枱布下面唔知放咗咩傢伙,搞到凹凸不平,最大問題係張枱貼住入單位置,啲侍應會經常响耳邊嗌單;講番食物:叫咗四點心,一個雞絲羹,兩位茶,埋單四條新鮮紅衫魚,六毫子冇攞走;蝦餃:只係比一般嘅大啲,味道冇特別;??豆腐蒸餃全名忘記咗:似一般菜苗餃,又係冇特別;??釀冬菇都係忘記咗全名:普通肉碎釀鮮冬菇,最唔掋食都算係哩個點心;菠蘿叉燒包:塊皮好硬,整體好甜溜,賣相亦差,用隻細骨碟上三隻包;??雞絲羹:好稀,唔夠味,只食到大量雞絲,嚴格講唔合格,莫講攞獎;再講番服務:真係超一般,食完啲碟,清得好慢,冇專人招待每張枱,加水亦慢,都唔好攞龍景軒有專人幫你添茶同有蠟燭台暖住個茶壺,雲石大餐枱,去比咁唔公道喇,但係以星級食店嚟講,都已可算唔合格;評語係；酒店嘅收費,酒樓嘅水平!