羅麥記 (V City) (Closed)

羅麥記久仰大名,以深綠色metal風格為主調,感覺比一般茶餐廳乾淨之餘食物選擇又勇於創新。今次同朋友farewell去呢度潮食一下fusion菜撈丁同竟然用法國baguette整既蝦多士,全部都好特別好好味,新元素混合港式茶餐廳傳統元素,我個人覺得好得。呢度比一般茶餐廳貴,但乾淨好多又唔使受氣逼走你。癡線呢度d撈丁多元化到去神級既境界。又意大利卡邦尼又日本蔴醬又泰式咖哩。我叫了四川口水雞,調味係好,但好鬼辣,所以我叫了一份免費的瑞士雞翼汁撈埋落去減辣,味道係perfect!呢度的瑞士雞翼汁無咩油又香。蝦多士好香味有外脆內軟,用法國多士整好好食。油係多d,但我唔介意。減肥中人可能要小心了。