Video
Read full review
2011-04-11
38 views
相信大家都對呢個位於大坑既伯伯略有所聞﹐ 好似開檔時間無定時﹐ 用炭爐黎整等等。事實上﹐ 炭爐伯伯既雞蛋仔同出面既完全唔同﹐ 唔單只係口感味道﹐ 更加有既係風味﹐ 同人情味。星期六既一個下晝﹐ 同朋友去坑順興諗住食個滑蛋叉燒飯既途中﹐ 就見到伯伯剛開檔。身旁既朋友從來未食過﹐ 就算朋友胃納有限﹐ 聞到伯伯整緊既雞蛋仔所發出既香味﹐ 仍然忍唔住買左一底。整好之後﹐ 比錢既時候﹐ 伯伯完全唔介意我地其中有一蚊係毫子﹐ 仲同我地好好聲氣講﹐"要襯熱食呀"甘﹐其他鋪頭? 比兩個五毫子都噪到你失暈﹐ 晌未食之前﹐ 已經食左人情味落肚。不過﹐ 唔好味既﹐ 點講都無用。 新鮮既時候﹐ 外脆﹐ 內軟﹐ 蛋心係鬆化既蛋糕感。有蛋味﹐ 但係亦有D發粉味。講味道﹐ 唔係最好﹐ 但係講用料﹐ 就一定足。咬左一啖後﹐ 你會見到係好似蛋糕仔。由於要去食滑蛋叉燒飯同車仔腸粉﹐ 所以無食晒放左入袋。 幾個鐘頭之後﹐ 個雞蛋仔既口感﹐ 超似細個極其中意食既蛋糕仔。呢底雞蛋仔﹐ 可算係新鮮食又得﹐ 遲D食又得~ 其他? 一凍左就又硬又唔好味。賣十蚊就可以甘﹐ 邊間雞蛋仔得?今日新聞﹐ 原來伯伯近排被食環署勁拉。令我諗起前
事實上﹐ 炭爐伯伯既雞蛋仔同出面既完全唔同﹐ 唔單只係口感味道﹐ 更加有既係風味﹐ 同人情味。
星期六既一個下晝﹐ 同朋友去坑順興諗住食個滑蛋叉燒飯既途中﹐ 就見到伯伯剛開檔。身旁既朋友從來未食過﹐ 就算朋友胃納有限﹐ 聞到伯伯整緊既雞蛋仔所發出既香味﹐ 仍然忍唔住買左一底。
整好之後﹐ 比錢既時候﹐ 伯伯完全唔介意我地其中有一蚊係毫子﹐ 仲同我地好好聲氣講﹐"要襯熱食呀"甘﹐其他鋪頭? 比兩個五毫子都噪到你失暈﹐ 晌未食之前﹐ 已經食左人情味落肚。不過﹐ 唔好味既﹐ 點講都無用。 新鮮既時候﹐ 外脆﹐ 內軟﹐ 蛋心係鬆化既蛋糕感。有蛋味﹐ 但係亦有D發粉味。講味道﹐ 唔係最好﹐ 但係講用料﹐ 就一定足。咬左一啖後﹐ 你會見到係好似蛋糕仔。
由於要去食滑蛋叉燒飯同車仔腸粉﹐ 所以無食晒放左入袋。 幾個鐘頭之後﹐ 個雞蛋仔既口感﹐ 超似細個極其中意食既蛋糕仔。呢底雞蛋仔﹐ 可算係新鮮食又得﹐ 遲D食又得~ 其他? 一凍左就又硬又唔好味。賣十蚊就可以甘﹐ 邊間雞蛋仔得?
今日新聞﹐ 原來伯伯近排被食環署勁拉。令我諗起前排上映既"我愛香港開心萬歲"。食環署﹐ 伯伯搵餐食嗟﹐ 洗唔洗做到甘絕呀?? 伯伯個車仔檔口﹐ 比北角某間知名雞蛋仔更加乾淨﹔ 伯伯企埋一邊開檔﹐ 比起街鋪D人放易拉架更唔阻街。點解你要拉?
你要罰丫嘛﹐ 我地就更加支持!!!!!!
http://hk.apple.nextmedia.com/template/apple/art_main.php?iss_id=20110411&sec_id=4104&subsec_id=11866&art_id=15155814
Post
