大圍小館 (Closed)

今日老公放假，可以接完仔放學去附近飲個茶先返屋企。11:20左右去到茶館，原則上已經有9成食客，所以樓面職員表示搭枱既安排。係入口等安排時已經留意到同剛剛開張時嘅擺位有分別，當進入所屬位置時強烈認知到自己對所謂擺位不同既感覺！茶館分隔既屏封好貴氣穩重，完全冇搭枱既尷尬，梳化座位闊落大方！真的很讚！係大圍分店食過返尋味既沙翁，今日係元朗分店要推薦比老公品嚐，而老公一見到牛骨髓話係必食。另外係叫左流心煎糯米雞、咖喱魷魚同2粒燒賣。價錢有返咁上下既佢，點心即製係有水準，壺茶用既茶葉飲落每口都回甘。