大圍小館

Open Now

Now Closed

最近大圍小館做緊午市自取$48 (要另加$1外賣盒），有8款選擇，暫時一至日都適用，未知優惠幾時完。試左兩個飯，一個豬油炒飯，一個福建炒飯。首先兩個飯都同樣炒到粒粒分明，乾身。豬油炒飯材料就係得豬肉碎同蛋炒，味道唔算太重豬油味，但個底都會相對油一d，味道主要來自肉碎。福建炒飯其實個味都係淡口一d，材料都算足，味道來自翠肉瓜同d 海鮮（蝦，小江柱粒），菇，有炒飯底。呢一個比豬油炒飯好食。份量黎講唔算多，都係半盒滿，但如果唔太大食，又想食高質d 既炒粉麵飯，就可以試下。

星期日去中午飲茶分上下時段，第一段12:00-1:30pm. 12:45pm開始比張單你對，不斷入來問會否加點心，怕你趕不及吃完，1:10開始入來收碗碟。很有壓力的飲茶經歴。差！

星期五同朋友惠顧 樓面有個女員工態度好差 最過分係埋單將我地同隔離檯張單調轉左找錯錢 同佢講竟然一聲唔出一手搶過我錢 拎埋張單過隔離檯 超級無禮貌 一句唔好意思都無 仲黑口黑面

第三次重臨元朗大圍小館食晚餐，今次人少少得三個人。晚餐分兩個時段，我地訂左6點頭輪，訂座時亦講明8點交枱。諗住食得貴應該冇限時或者想慢慢吹水既朋友就要注意了。（可選擇網上/電話訂位，本身網站6 點呢個時段已經冇位，但打電話去係有，如果網上訂座冇心水日子或時間就可以打電話去碰碰運氣）。提前預訂左兩道菜：合浦珠環大孖豉油雞（半隻）菜式由肥豬肉包住原隻蝦同原粒合桃整成，咬落乾身，一啲都唔油膩，非常推介。上菜見到配埋內臟，就知到用上新鮮雞而製。豉油雞好入味，我就覺得肉薄啲如雞翼位置，就比較咸。去到再另外點左焗魚腸，一般大排檔/小菜都唔係間間有得食，要洗乾淨魚腸同埋唔好令到道餸冇腥味都考功夫。大圍小館呢個焗魚腸就做得到！最後叫經理介紹加多一個餸，結果佢介紹我地食個菜，啫啫煲夠惹味。由蝦乾伴炒，辣辣地係幾香，但食到底浸住啲辣油，就再辣啲啲。今次見到有侍應拎住沙翁同芝麻卷問每枱客試唔試，但因為最後有糖水送，之前都食過芝麻卷，我地就冇叫了。腐竹都煲到溶哂，食落甜度剛好，食完飯仲有糖水送，完滿作結。諗住食平靚正小菜又可以慢慢吹水任坐既話，大圍小館就未必岩你。食普遍常見既小菜亦會比大排檔既貴，味道方便都可

非常不愉快的經歷父親生日，預早三個星期前預訂滿心歡喜提前預訂懷舊餸菜但惡夢就由飲湯開始杏汁大白菜豬肺豬橫脷粉腸湯眼見湯渣上碟舖排漂亮怎知一飲啖湯，比較濃味應該是被金錢華火腿搶曬其他材料味道飲落比較咸，感覺比較似飲頭湯其他這個是湯係合格嘅，不過以$1280窩湯，我覺得有其他更好選擇功夫八寶鴨這道餸真的不知所謂鴨又冇鴨味，個餡完全炒晒車夾硬將兩樣嘢放埋一齊又係食咗兩啖大家都停哂筷干邑燴花菇鹿筋鵝掌煲首先冇用煲上同我想像好大出入個餸到枱1啲都唔熱總之幾樣野算唔上難食的不過真係冇乜特別雞子弋渣這個我咬咗一啖就食唔落去個油温處理失敗成個弋渣1啲都唔熱面頭啲粉好厚，食落成舊粉同待應反影，完全冇理過你1於實行錢照收，完全冇問過轉其他餸俾你或者其他處理方法合浦珠還全晚只有這個餸大家係食曬唔錯的茶薰雞雞係過火嘅，比較鞋雖然用上鮮雞，但調味好咸所以雞味及鮮蝦味被蓋過其他小菜炒飯麵就唔講咁詳細只係可以話係非常之普通水準最後真係要講下個服務食1圍差唔多5千蚊嘅圍菜限住2小時交枱真的很不爽

大圍小館首間分店揀左大老遠既元朗，係美食雲集既元朗，究竟可唔可以係元朗站穩陣腳，重現本店既風彩呢，今晚就來一探究竟。門面一面大牌匾，大圍小館四隻金漆大字，配上一串串紅色燈籠，有如本店般的裝潢，古典之餘又不失現代感，分店座位不多，一定要預先訂枱。今晚一行十二人剛好一圍，睇過餐牌就開始點菜，前菜先來個煙燻鵝肉卷，擺盤精巧，入口一股煙燻味夾雜淡淡鵝香。沙薑豬手仔外皮Q彈，切得小巧，剛好一口一件。來到大圍小館必點第一叉，叉燒上枱後待應會塗上新鮮菠蘿醬，然後用火槍燒到表皮焦香，入口肉嫩味濃，不過真係太大舊，食得幾用力。再來一整隻琵琶鵝，斬件前原隻上枱，睇到外皮燒到啱啱好，食落鵝皮脆口，肉嫩有油香。之後再來小菜兩碟，分別係椒鹽鮮魷，炸皮脆薄，鮮魷肉質彈牙，相當新鮮。另一道蜜薯和牛柳煮到半熟，入口軟淋肉味濃。椒鹽九肚魚上枱後有驚喜，每條九肚魚以竹簽串起再炸，食落粉簿酥脆，觀感味道都上佳。食飯當然唔少得食菜，馬拉盞蝦乾肉末生啫芥蘭煲上枱熱辣辣，芥蘭每條都好嫩口，用料有質素。最後以蝦籽豉油王炒麵作結，炒麵炒得乾身有鍋氣，沾上蝦籽食別有一番風味。整頓飯可以體驗到每道菜都用料上盛，對得住個價位，不過調味偏濃

慶祝家人生日，餐廳為我們安排了一間寛敞舒適的房間位置，並為8大人和1小孩準備了一張12人大桌。服務非常周到及貼心！琵琶鵝 $880：侍應會先成隻上畀客人相機食先，再攞返切。琵琶鵝肉質鮮嫩多汁，搭配著香脆的皮。皮燒得超香，連本身少食皮的我都破例試咗，皮係好食過肉添呀！惹味海蝦小炒王 $158：一上枱熱辣辣好香，配搭咗炸過的魷魚同海蝦乾，好香口好好食。冰梅咸檸骨 $208：賣相似成舊肥肉，但食落係零肥膏，骨肉同酸甜味道平衡得恰到好處。五仁豆腐 $158：賣相精緻，以豆腐為基礎，搭配了五種不同的堅果，這種組合帶來了豐富的口感和味道。干邑燴花菇鹿筋鵝掌 $488：這道菜結合了干邑的香氣和花菇的鮮味。鹿筋和鵝掌經過燴煮後變得軟嫩，每一口都充滿了豐富的味道。推介畀正在尋找一間能夠滿足口腹之慾並提供良好服務的餐廳的你。

🏮大圍小館🏮小館係大圍我一直都想試，但一直都未有依個機會，佢終於係元朗開分店，當然我呢個新界人即刻去試啦。我電話預約唔到，唯有早啲去walk in，大概6點就到，好彩都唔算多人等。見枱與枱之間都闊落。與傳統酒樓一樣，服務員會提供水及飯前小食，飯後亦提供糖水享用。勾魂叉（$188）職員先在叉燒搽上特製菠蘿汁，然後即時用火槍再燒一燒，令到焦味更香。唔好睇佢禁少，每一件都好厚身，再黏埋啲米通一齊食，又另一番風味。薑味蒜香籠仔蒸蟹飯（$368）

今日試下呢間大圍老店 睇下同大圍既水準有冇分別先。黎到門口排都排左我成個中。因為佢地比較特別係一批一批入 就算入面有枱都要等一輪先 。冇所謂 係門口 有得泊車 方便 補返！！門水裝修都好靚 有個水池 有好多椅比人坐 可能知道等得耐喇。入到去裝修都幾靚 有種高級感。好叫野食了 叫左隻雞食 如圖 呢隻雞係幾香口 特別好過功夫果隻好多。同埋個包影左字既 半意思自己參考包係幾好食流沙架。水準同大圍差不多 。侍應哥哥姐姐都正常。會有下次如果門口冇咁多人的時候

大圍起家嘅中菜館，位於元朗嘅分店，餐廳屬中高消費水平，大圍本店拎過米芝蓮推介，睇返價錢似乎午市會平啲之餘，加上會有點心，不過今次食晚市就冇機會試到。之前星期六打算去食冇book位，排隊walkin 都冇位，今次醒目先去打電話book位，晚市只分兩場：六點及八點。店舖座位唔算多，高級中菜廳佈置。茶水費每人$28都唔平，但茶款不少，除左正常鐵觀音普洱，仲有玫瑰、白毫等，普洱更係五年雲南茶葉，利申唔識分啲茶係咪好靚。招牌叉燒五件$188 原本以為份量唔多，點知五件都係厚切大大件。上菜後仲會有待應係你面前搽上鳳梨醬，然後再攞火槍燒，打卡一流。不過個人就覺得加左之後甜左少少。上梅頭肉製成嘅叉燒，肥瘦適中，肉汁豐富，肉質軟腍，焦糖化嘅表皮香甜多汁，係每枱必叫嘅餸，送飯一流。蜜薯和牛柳（$238）薯仔炸過外脆內軟，好香口。估唔到嘅係和牛柳，平時食開都係手指公大小，呢度一上枱都忍唔住wow 左一聲，和牛牛味香濃，絕對唔係平時落得太多鬆肉粉嗰種肉質。入面仲係keep 到七成熟，仲有好多肉汁。不過對比叉燒都係前者更加令人驚艷同同性價比高啲。另外叫左砂煲芥蘭，熱辣辣上枱，好夠鑊氣。蝦乾食得出係靚貨，芥蘭炒得

情人節晚餐去咗元朗大圍小館食🥰 食物水準勁高🥹🥹🥹我哋叫咗招牌嘅第一叉❤️店員拎上枱嘅時候會查一層鳳梨醬 之後，用火槍燒到表面焦香🔥🔥🔥叉燒係肥瘦相間非常之香🫶🏻蜜薯和牛柳 薯仔已經勁驚艷😳牛柳係鬆軟得來又有牛肉香味🥹🥹🥹跟住叫咗蝦醬唐生菜煲 呢個我唔記得影相，但係一上枱勁香🥰🥰🥰之後我哋差唔多諗住買單嘅時候 老闆竟然因為新年請咗我哋食蟹黃撈麵 係成間餐廳每一枱都有🥲點解可以咁好㗎？😭😭😭仲要勁好味啲蟹黃係真係識得出係好鮮既蟹🩷🩷🩷最後仲送咗個桃膠糖水 連個糖水都勁好飲😚唔會過甜，但係又唔會淡🥹我想講呢間餐廳真係好高質 就算老闆冇送個麵俾我哋都要大贊 因為佢每一樣食物嘅調味都係啱啱好 易佢所有嘅食材都食得出係新鮮高質🥹🫶🏻真係真心推介❤️

【#新年 中菜篇】🔺適合聚會 🔺未食過一定要試！🔺長輩生日飯最合適不過 🔺記得訂位訂失傳菜🔺中高價———————————————「下次入元朗，不如試下食啲特色菜？💛」 ———————————————🍊琵琶鵝 (需要預訂！) $880》真心好食！！！皮脆肉嫩醬香齊哂～》脂肪都有燒到溶溶地的感覺
直接植入菜單上的解釋：「『琵琶鵝』是接近失傳的古早燒味，因形狀像樂器中的琵琶，因而得名，做法很花工夫，鵝洗淨後，醃數小時，再吊乾、再塗一層醬料，再吊乾，然後才燒，燒時又要嚴控時間，才能燒出理想效果。」🍊勾魂叉》第一次食超厚切的叉燒，估唔到咁鬆軟，用火槍即場灸燒叉燒外皮，令鳳梨醬香更香。一定要試！🍊沙翁》平時食開細細個，依個沙翁大到可以分一圍食，最啱一人一口。後記：經理超好，知你生日又有蛋糕送糠水再送壽包🔹第一枝自攜酒免費🔹免切餅費🔹多款失傳菜都需預訂，記得訂左先去食呀回頭率：🍊🍊🍊🍊🍊/5消費：每位$2-300+…………………………………………🍊大圍小館元朗店：元朗壽富街60號順福糧倉地下G22-23號舖大圍店：大圍積福街92號地舖…………………………………………#乜乜飲食日記 #乜乜元朗 #m

大圍小館初初開嘅時候勁多人一窩蜂去幫襯，所以一路未有機會試。今次去咗午市飲茶，好多懷舊特色點心，眼見好似全部都係大圓枱，如果人少嘅話要搭枱。坐低後用QR code落單，不過有好多菜式賣晒試唔到，今次試咗👍🏻流心煎糯米雞: 感覺好特別 個糯米雞外層脆卜卜、入邊都好足料👍🏻懷舊沙翁:好似每日限量order，非常鬆化🤤值得一試！👎🏻宮廷荷花酥，因為見佢個樣色彩繽紛好得意，就叫嚟試吓，不過勁甜同埋好假嘅糖漿味道，真係得個樣🤒

之前同屋企人嚟到元朗米芝蓮餐廳「大圍小館」飲茶，覺得質素不錯，今日晚上就試吓佢哋嘅小菜。魚肚浸腐皮白菜湯這道湯營養豐富，魚肚吸入湯汁好清甜，而腐皮白菜則可以增加湯的口感和風味。這道湯的味道清淡而鮮美的。大良炒鮮奶這道菜以鮮奶炒製具有濃郁的奶香味。這樣的烹飪方式較為獨特，有一些甜甜地的味道，鮮奶入口滑嫩，蝦仁亦好爽口。金沙鮮魷鮮魷魚被炸成金黃色的外皮，外皮黏上鹹蛋好惹味，擁有嚼勁和海鮮的鮮美味道，可以搭配米飯一齊食。勾魂叉燒這道菜結合了梨醬汁和叉燒，上枱時店員掃上梨汁再用火槍燒，令叉燒外皮更加香口，叉燒用了梅頭肉，所以肥瘦適中，入口軟淋多汁，超好食，基本上每一枱到必點的菜式。最後食埋一碗腐竹蛋糖水，呢一餐好滿足！

🎂屋企人生日 ✨去一間大家一直都話好想試嘅餐廳🫢✨第一叉 $188黎呢到呢個係必食item 一碟有五嚿 我地仲以為好細 8個人叫咗兩份 原來都幾大嚿幾厚身 店員會搽菠蘿醬喺叉燒面 然後再用火槍即場燒🔥 一路燒 一路聞到火炙嘅味道 超吸引 半肥瘦叉燒 咬落去 腍度剛好 油脂滴出 味道有少少似豬肉乾味 🤭 食一件都覺得好邪惡🤤✨鮮羊腩煲 $398一直坐喺舖入面 一直聞到一陣藥材酒香嘅味道 所以就問店員呢個係咩味道 聞到咁香我哋都即時叫返一鍋試一試 先食豆苗 再飲下個湯 個湯確實唔錯 而且完全冇羊膻味 鍋入面有好多白蘿蔔 吸收咗湯嘅精華 非常入味鮮甜 反而羊肉冇乜味道 而且有少少韌😓 少少失望🤦🏻‍♀️✨一口金磚 $78呢個菜式 係炸鹹蛋黃包住蘿蔔糕 所以係非常香口 啲油仲會滴滴下 邪惡指數爆燈😈 不過個人就覺得味道唔算太特別✨冰梅鹹檸骨 $208味道甜甜鹹鹹 幾開胃 肉質口感不錯 非常好餸飯 ✨茶燻雞 (半隻) $268唔試唔知道 一直聞到有一陣好似煲燶咗嘢嘅味道 原來一食之下 係呢道餸😂😂 搞出個笑話🤭 雖然有茶香味 但我覺得個燶味太搶 所以個人不太好呢個味道🫣 ✨手剁蓮藕餅 $168見到