.
是次陪伴得友人喜好是日本菜，好等我縮細範圍，探索日本菜菜單...尋找了一間日式風格的【掌壽司】...當我決定選它的時候才想起我有好幾次經過都見到它的出現，但晚上人流滿滿就沒有特登選它了。今次午市打去預約就萬無一失了。
餐廳門面經過就一定會看到，入面地方大空間感十足，樓底又夠高，有一種好舒服嘅感覺，仲有開放式廚房，吧枱。裝潢以日式居酒屋為榜樣就以燈光上相對偏黃及柔和，環境清靜，細細聲傾兵計，坐得舒服。
牆上掛上好多不同款的日本酒做襯托，和風味重，頗有特色
店員招待我們坐低，然後奉上熱茶，跟手細心介紹菜式給我們。說現在午市定食由$78起基本上包包前菜、湯、茶碗蒸、主食、甜品及飲品。有十多款選擇...可以慢慢選。
定食價錢由HK$78- HK$168不等
我們選了，精選刺身定食及特選海鮮丼還點了是日生蠔，剛上完班當然點得豐富點享受一下吧。
.
是日生蠔，實行即開即食，今次食嘅係廣島蠔 $60現在食蠔比以前經濟實惠好多, 就好似日本廣島蠔, 大大隻，價錢實惠。
廣島蠔入口其肉質鮮甜、嫩滑，仲有淡淡嘅海水味。但不會太咸或者太腥，口感特別巨大、肥美飽滿，配有茄汁加檸檬汁，點完更能帶出鮮感。不過喜歡原汁原味嘅你都可以唔點。咁就可以食到更出嘅海水味啦。
套餐嚟啦，特選海鮮丼 $138套餐包括枝豆、 茶碗蒸、蜆肉味噌湯、甜品及是飲品，可以加錢轉是日特飲upgrade一下。
前菜枝豆，日式前菜通常都係枝豆，走健康路線...又夠日式。
蜆肉味噌湯，唔咸，入面有「蜆肉、豆腐」，點點海鮮味。
相對比教喜歡茶碗蒸，茶碗蒸入面配有蟹柳肉同蝦米碎...好足料...蛋又蒸得滑身，不錯的
海鮮丼由師傅揀選每日最新鮮既刺身，保證會有6款以上，而今日既海鮮包括「三文魚、海膽、甜蝦、蟹膏、小火箭魷、油甘魚」。
厚切既三文魚同埋油甘魚口感一流，魚油脂係口腔慢慢滲透，風味十足，甜蝦味道份外清甜，原隻小火箭魷刺身比較小見，同平日食到既魷魚非常唔同，唔再係粘粘既感覺，反而爽口實在，海膽誘人既獨有味道就不用再多解釋吧，好清甜啊！
最後既蟹膏味道特別濃，吃起來有一種沙沙的顆粒感是吃貨們的最愛！建議同丼飯一齊食更能食到鮮味，都可以加小小豉油同埋芥辣調味。
.
接住仲有掌壽司另一超推介set，刺身定食 $168刺身好似也是每天也有點不同，始終食材新鮮程度難預料。
是日有「三文魚、油甘魚、帶子、赤蝦、劍魚腩及章紅」，六款剌身都相當不錯。
-赤蝦，帶子鮮甜爽口不算好大隻但夠新鮮
-油甘魚，三文魚好肥美啊！結實鮮甜，食落肉厚好好咬口
-劍魚腩，章紅紋路分佈均勻夠厚切，章紅口感好爽，平時定食較少有呢一款。
全部刺身， 配上一大碗飯好飽肚呢！
.
兩個套餐加咗少少錢配特飲，熱蜂蜜生姜茶 $5，另一杯是凍柚子梳打 $8
蜂蜜生姜茶自家製不會過甜，生姜於杯內放了許色，生姜味十足配上蜂蜜甜生的，好好飲，食完生冷嘢飲杯熱飲好正。而柚子梳打就清甜解渴，都不錯的。
甜品就係一人一粒雪糕糯米糍做Ending。
總括...環境清靜不用跟人迫好Relax，放假就是要這樣的啊。而服務又不錯，不停加茶。工廈裏面有這樣高質素的日本刺身真係可以話高手藏於工廈內呀。食物用心製作，Lunch都咁有驚喜，晚上應該更不錯。環境清靜不用跟人迫好Relax，放假就是要這樣的啊。
