松藝館 (Closed)

特意提早同奶奶慶祝母親節！經朋友介紹去試一間專食松露嘅餐廳！一到餐廳就有親切女侍應帶位，可能喺電話有提到有BB, 張枱已經放定咗張high chair, 對於我呢個新手媽媽嚟就突然覺得好窩心🥰安定好BB後，枱上送上咗暖暖嘅麵包，係超好食der!!! 食完好想refill, 但驚太飽食唔到其他嘢😣食物好吸引，好好味！最深刻係慢煮雞胸，好滑身！唔講唔覺係雞胸肉！每上一道菜，侍應都有詳細介紹，感覺我真係好似貴賓咁！最後最最驚喜係上甜品時，甜品旁邊寫住Happy Mother’s Day! 奶奶不知幾 Happy！之後記得我book枱時提過係食母親節飯，估唔到呢樣嘢都留意到，真係好驚喜又好窩心！而且服務真係超級好！食物同服務都係好值得去嘅餐廳！