Video
Read full review
2021-09-18
68 views
要數小編最鐘意既fusion菜，何蘭正一定榜上有名🌟仲係蘇豪區既時候，小編拜訪過一次，佢地既香噴噴叉燒香蔥豬油撈飯同開心果露非常中小編口味，一直都想回訪😫最近餐廳搬咗入蘭桂芳，食物選擇都多咗好多，令到小編都終於忍唔住要再次光顧😌新店位於二樓，唔再走以往工業風既裝修，而係混搭咗茶記同大排檔既風格，仲將舊店既「鬼佬涼茶」霓虹燈移師過黎比食客打卡，相當隨性🥸而餐廳都非常旺場，平日晚上都full house，想食既朋友記得要book定位阿😝而食物選擇依然係少而精，大概十數樣既選擇，但每樣都係聞所未聞既搭配😼雖然上次食既叉燒非常出色，但都忍手無點，一探其他特色菜式既面目👻—《 #雞油浸鮮味午仔魚柳(140g)配48個月西班牙火腿·刀削雞髀菇·昆布忌廉汁》$190 ⭐⭐⭐第一次聽午仔魚，好奇之下search下到底係啲咩🧐原來即係馬友，通常係台灣人先會叫馬友做午仔，而馬友就係平時用黎整咸魚既品種😀依道菜底下先放咗翠綠既小唐菜，疊埋刀削雞髀菇，再放條魚係面頭，最後鋪埋西班牙火腿🥓依個做法相當獨特，雖然擺盤既展示略欠吸引力 🤏🏻雖說午仔魚柳係用法式油封方法烹調，能夠令油脂味更特出，但就有點蒸過龍，肉質有
要數小編最鐘意既fusion菜，何蘭正一定榜上有名🌟仲係蘇豪區既時候，小編拜訪過一次，佢地既香噴噴叉燒香蔥豬油撈飯同開心果露非常中小編口味，一直都想回訪😫最近餐廳搬咗入蘭桂芳，食物選擇都多咗好多，令到小編都終於忍唔住要再次光顧😌
新店位於二樓，唔再走以往工業風既裝修，而係混搭咗茶記同大排檔既風格，仲將舊店既「鬼佬涼茶」霓虹燈移師過黎比食客打卡，相當隨性🥸而餐廳都非常旺場，平日晚上都full house，想食既朋友記得要book定位阿😝
而食物選擇依然係少而精，大概十數樣既選擇，但每樣都係聞所未聞既搭配😼雖然上次食既叉燒非常出色，但都忍手無點，一探其他特色菜式既面目👻
—
《 #雞油浸鮮味午仔魚柳(140g)配48個月西班牙火腿·刀削雞髀菇·昆布忌廉汁》$190 ⭐⭐⭐
第一次聽午仔魚，好奇之下search下到底係啲咩🧐原來即係馬友，通常係台灣人先會叫馬友做午仔，而馬友就係平時用黎整咸魚既品種😀依道菜底下先放咗翠綠既小唐菜，疊埋刀削雞髀菇，再放條魚係面頭，最後鋪埋西班牙火腿🥓依個做法相當獨特，雖然擺盤既展示略欠吸引力 🤏🏻
雖說午仔魚柳係用法式油封方法烹調，能夠令油脂味更特出，但就有點蒸過龍，肉質有些許柴似鯖魚既口感😥醬汁近似於味噌，同魚肉甚為搭配🤝加上西班牙火腿小編覺得未能為整道菜加分，火腿味道太濃烈反而遮蓋魚既鮮味，分開食較佳💀最欣賞係刀削雞髀菇，表面面積大因而吸咗大量醬汁，鮮甜爽口😺
—
《 #香濃蟹皇汁煮刀削白靈菇配松葉蟹肉·幼滑濃厚法式薯蓉及溫泉蛋》$228 ⭐⭐⭐⭐
依道菜係簡單之中彰顯出用心，整道菜名都無誇大之嫌😌面頭有一粒抖動既溫泉蛋，輕輕切開就流出閃令令既蛋黃🤩白靈菇確實滲進咗香濃既蟹皇汁，味道非常豐富😆而中層放既松葉蟹肉份量十分多，而且唔會太碎，能夠食到啖啖既蟹肉🥳匙羹向底部盛起就能夠探出薯蓉，薯蓉綿滑而且有滲到蟹皇汁😉雖然全部食材都係比較單調既白色，但食落卻係非常豐富，而且味道層次非凡，絕對係不可貌相既一道菜🥳
—
《 #法式女兒紅獅頭鵝肝燉蛋配牛油多士》$108 ⭐⭐⭐
小編朋友一食個燉蛋就已經話好重花雕酒味，睇番個menu就發現原來正正係加咗女兒紅😂女兒紅係一種陳年既花雕酒，古時係個女出嫁會飲既酒，但依加就多用黎餸飯🤓小編一向都鍾意花雕酒既味道，但依個味道就有啲太濃而且帶酸味😳依道菜用上中式既滷水鵝肝，見到用咁高級既獅頭鵝感覺好fancy，但酒味太濃幾乎食唔出鵝肝既味道，有點可惜😕還好有配牛油多士同脆片，中和番個燉蛋濃烈既酒味😖
—
《 #香滑開心果露·QQ白玉丸子》$68 ⭐⭐⭐⭐⭐
依個開心果露小編比既分帶有少少私心，因為小編係開心果既死忠，深知整到開心果味道既甜品唔係咁容易🤪依個開心果露能夠食到真實開心果既味道已經係喜出望外，配上白玉丸子甜而不漏😍而且以前食過蘭苑饎館既開心果露，兩者高下立見🤫唯一不足既係開心果露係凍食，如果熱食相信果仁味會更加突出👹
Post
