大本瀛日式放題

Open Now

Now Closed

兆萬上面好多放題，食黎食去都心繫大本瀛🤣🤣一黎價錢合理，二黎服務好，三黎食物質素唔錯！好多時放題啲野食都係預先做好晒，往往上枱時就已經凍左或微暖，尤其是大舖頭。但呢度食過甘多次啲食物都係即叫即整既感覺，熱辣辣刺身因為唔係好食刺身，所以只係叫左少少，幾大件同厚身，無腥味，算新鮮！壽司件飯唔多，唔會好快飽。料好多，啖啖肉！尤其是海膽花之戀，好多料，海膽鮮甜，夠新鮮，無苦味！黑松露好香，玻璃蝦夠大只，夠爽口！炙燒三文魚好肥美，一咬啲油脂流晒出黎，好味！焗蠔好味！面頭係沙律醬同芝士，有啲西椒粒，好香，似pizza 味。個焗蠔大只，漲卜卜，一咬啲汁爆出黎，正！燒蝦好香口，落左少少鹽去燒，更好味！燒翠肉瓜每次必叫！面頭加左椒鹽去燒，好香口，咬落去好多汁，好好食！肥牛金菇捲牛仔骨煎到好香口，好稔！炸物有榴櫣炸彈，正！剛炸起，好脆口！壽喜燒材料豐富，個湯甜甜地！正！食物高質，好味！唯獨飲品選擇少左啲，但對得住個價，會再黎！