潮牛莊火鍋 (Closed)

今日帶朋友嚟咗尖沙咀呢間潮牛莊打邊爐！因為之前Lunch食過覺得唔錯，所以今晚專程嚟試下晚市！呢到主打推介係一人一鍋嘅打邊爐，當然如果你人太多都可以用返大鍋！同埋我見呢到都有幾間vip房，方便多人聚餐，不過望落都爆爆地，應該要預早book定！我同朋友兩個人食就揀返一人一鍋啦！呢到湯底都幾多選擇，有九款湯底揀，我揀咗蕃茄薯仔牛腩鍋！店員有提我哋可以趁未加火鍋料之前飲幾啖湯，試下個底味！真係好濃牛骨味！勁好飲！十個讚！呢到叫得潮牛莊，最出名嘅當然係靚牛肉，我哋聽店員嘅推介叫咗一份「爪邊」，佢話呢個部位嘅油脂會相對較平均，可以突顯肉味香濃，想食有少少油香而肉質香濃幼滑，揀呢個就啱喇~~啲紋理好靚~~淥3-5秒就食得~~~另外叫咗一份西班牙黑毛豬梅肉，$168一份，豬梅肉食落爽甜，無渣，但略嫌太薄，份量亦唔多，再與價錢相比，較為比較雞肋之選😳，我會比較鐘意食腩片多啲🤭呢個自製手工蝦滑係全晚最抵食既一樣，份量多而且食到唔少蝦肉，夠晒彈牙！放咗落牛湯到，再加少少豉油都已經好夠食lu😚蔬菜方面叫咗一份韭菜花，見平時打邊爐都少地方有得叫~餐廳最後仲送咗甜品俾我哋！唔知係咪枱枱都有架呢？係雲呢拿奶凍，個