小火焰韓式咖啡廳 (觀點中心) (Closed)

難得今日係觀塘收工，天氣又濕又熱，知道附近有上次食過既小火焰，即刻入嚟試下。石鍋蟹籽彩雲拌飯賣相同個名一樣咁靚，色彩繽紛既配菜有紅蘿蔔、青瓜、醃黃蘿蔔，芽菜等配料，蘊含豐富纖維。牛肉水冷麵啱哂熱辣辣既夏天嚟一碗冰凍既水冷麵。蘿蔔味湯底酸酸地好開胃，麵條好幼滑。草莓沙冰砌到成座山咁，賣相超靚！啲冰都溶得幾快既關係，要盡快飲用。上層鋪滿士多啤梨同cream，好smooth，混埋下層既沙冰口感涼快得嚟又好creamy，沙冰系列都幾值得一試。巨峰乳酸特飲夠哂冰凍既夏日特飲，相比起乳酸，巨峰既味道更突出。