樂天經典 (Closed)

近排好想食蟹, 聽講樂天經典的蟹大隻得黎價錢合理,今日一行三人黎尖沙咀分店試下。一入到餐廰覺得好光猛舒服, 坐位安排唔逼, 無酒樓咁嘈, 好適合聚會傾偈。老鼠粉煲 $108呢個煲一上時好似無咩特別,食落原來有好多材料, 包括老鼠粉、肉碎、蝦仁、椰菜花、冬菇、菜莆和蛋花。份量够四五個人食, 味道好唔錯。最驚喜係個砂煲保温很利害，過了20分鐘仲有煙出。星洲黑胡椒蟹 $368隻蟹非常惹味，因為够新鮮, 蟹肉好結實爽口。黑胡椒個醬唔會咸，如果有飯我一定攞黎送飯食!花雕雞油蒸螃蟹$368相比起黑胡椒蟹, 呢味比較清淡, 如果花雕味重少少會香D,但蟹肉同樣咁新鮮。黃金蝦球$138我地叫左最細份量, 但都有5隻蝦球, 大大隻好爽口。成隻蝦被咸蛋黃包住好CREAMY好好味。脆醬美人魚 $55因為加左生紅辣椒有少少辣,香脆可口,可以當零食。