莆田 (利舞臺廣場)

Open Now

Now Closed

講到食福建菜，喺香港出名嘅連鎖餐廳蒲田 始終都係有質素嘅保證。 上年佢又中過蟶子王嘅promotion ，今次嚟試下佢最新嘅海蠣推介。 今次去到位於利舞臺嘅銅鑼灣分店， 餐廳裝修 典雅，座位闊落，亦有獨立包廂適合一班朋友過嚟食飯。 海蠣其實就係我哋食開嘅蠔， 蒲田特別選用福建嘅珍珠蠔，雖比平常嘅蠔細粒少少，但每粒都好飽滿鮮甜。 我哋試咗儀式分別係九層塔燘海蠣同埋海蠣湯。九層塔燘海蠣 入面嘅蠔係鮮炸到香脆， 加埋啲九層搭嘅香味， 非常惹味。海蠣湯就食得出蠔本身嘅鮮甜味，如果唔鍾意芫茜嘅朋友記得叫佢走芫茜。另外我哋分別是咗兩款前菜，有鹵水豆腐同埋脆腸。 脆腸有驚喜，唔會有豬腸嘅臭味，口感彈牙。薑母鴨都可以算係其中一款代表福建嘅名菜， 蒲田用嘅鴨以肉為主，比較少骨方便食， 薑味連埋濃郁嘅麻油香， 天氣凍嘅時候食一流。媽祖麵線都係我哋嚟蒲田必食嘅主食， keep到一貫水準， 為今餐或上完滿嘅句號。