吞POT 雞煲火鍋.住家菜 (Closed)

之前有去過這間的譽發分店打邊爐，印象不錯。今次這間726分店地方一樣乾淨企理，環境開揚，一樣座位不多，最好先訂位。今次要食他們的鴛鴦鍋湯底，麻辣鍋及雞湯鍋。上枱已聞到好香的麻香味，麻辣的麻痹口感勁正，佢辣得來唔會搶喉，好惹味。唔食得辣的朋友可以揀雞湯鍋，好清甜濃郁，濃得有點漿口感，提議打邊爐前可以先飲一碗。有咁濃的麻辣湯，就點了吸湯力強，而又比較健康的芋絲，減低邪惡感。另外極品手切封門柳亦是推介，肉質鬆軟，滾耐了不易變韌，牛肉味極為濃郁。