GAIJIN

Open Now

Now Closed

朋友今日請我去銅鑼灣永光中心Gaijin食lunch, 佢話經Openrice訂位有85折，抵食好食。好彩有訂位，中午一時去到差不多全場爆滿。中午的lunch menu選擇多元化，價錢合理。我們選了兩個午餐，包頭盤，主菜及咖啡/茶。再追加甜品。頭盤我們分別揀了牛油果野菌忌廉酥皮盒和三文魚沙律。酥皮盒賣相精緻，味道佳，有fine dining的味道。三文魚沙律蔬菜新鮮，三文魚質優。隨頭盤奉上的牛角包和芝士包有酒店水準，好味! 令人期待的主菜也出色。厨師每日新鮮魚柳是貴價的龍躉班，魚柳上桌打開錫紙香氣撲鼻，魚肉入口鮮甜嫩滑，味道清淡健康，配菜蕃茄和鮮菇吸了魚的精華好好味，超正! 美國頂級封門柳燒得剛好，肉原汁原味有質感，點黑松露汁或海鹽都好好味。配菜也有心思，酸甜的日本紅心蘿蔔，涼拌蒿笋和芝士忌廉焗薯突顯厨司揀選時令優質食材款客的誠意。精美的甜品也是亮點，擺碟有美感，味道好!餐後latte和English tea都好。餐廳環境簡約摩登，侍應主動有禮，食物有質素，餐具擺碟靚。今餐吃得很滿意，推介你也來。