2
A4+ 日本和牛丼配紅酒汁 +蒜香醬油炒飯 & 蘭王生蛋
炒飯本身已經好惹味，再撈混埋個生雞蛋直頭係另一個昇華。當然，成碟既主角一定係和牛粒，粒粒既脂肪比例都係入口即溶咁滯，係一定要試既菜式。
慢煮極上豚肉配辣肉醬+芝士蕃茄醬意粉 & 香煎日本蛋
豚肉肉質嫩囗，肉味剛剛好，配搭辣肉醬同埋拌碟既忌廉，令成件事多左層次。辣肉醬味道唔會太濃太搶，可以話係岩岩好。意粉方面都好有誠意，芝士茄醬都好足料，配搭豚肉同煎蛋，確實係一個幾新鮮既組合。
日式炸雞
另外叫左份日式炸雞，炸雞既炸衣唔似係現成野，有誠意！不過最搶眼既係個醬，同一般既醬唔同，似係加左明太子係當中，辣辣地得嚟，又保留到蛋黃醬應該有既甜味，真係幾正！
46
